دانیمارک دوای 14 ساڵ باڵیۆزخانەکەی لە سووریا دەکاتەوە

ئاڤا نیوز

 

وەزیری دەرەوەی دانیمارک بڕیاری داوە لە ساڵی 2026دا باڵیۆزخانەی وڵاتەکەی لە دیمەشق بکاتەوە، ئەمەش دوای 14 ساڵ لە داخستنی دێت بە مەبەستی چاودێریکردنی پێشهاتە سیاسی و مرۆییەکان.

ڕاگەیێنراوی فەرمی: بەگوێرەی ڕاگەیێنراوێکی فەرمیی وەزارەتی دەرەوەی دانیمارک، لارس لوکە ڕاسموسن، وەزیری دەرەوەی ئەو وڵاتە ئەم بڕیارەی بۆ لایەنە پەیوەندیدارەکان دووپات کردووەتەوە.

- وەزیری دەرەوەی دانیمارک ڕایگەیاند، کردنەوەی باڵیۆزخانەکە هەنگاوێکی گرنگە بۆ چاودێریکردنی وردی پێشهاتەکان و بەهێزکردنی پەیوەندییەکان لەگەڵ حکومەتی نوێی سووریا لەمساڵدا بۆ پاراستنی بەرژەوەندییەکانیان.

- حکومەتی دانیمارک دەیەوێت لە ڕێگەی ئەم نوێنەرایەتییە دیپلۆماسییەوە، هاوکارییەکان لەگەڵ دیمەشق پەرەپێبدات، بەتایبەتی لە دۆسیەی گەڕانەوەی ئارەزوومەندانەی پەنابەرە سوورییەکان بۆ زێدی باووباپیرانیان لە وڵاتەکەدا.

هۆکارە زانراوەکان: ئەم بڕیارە دوای سەردانێکی فەرمیی وەزیری دەرەوەی دانیمارک بۆ سووریا لە مانگی تشرینی دووەمی ڕابردوو دێت، کە تێیدا لەگەڵ بەرپرسانی باڵای حکومەتی دیمەشق کۆبووەوە.