نێچیرڤان بارزانی بۆ محەممەد بن زاید: سوپاسی هەڵوێستە جوامێرانییەکەت دەکەین

ئاڤا نیوز

سەرۆکی هەرێمی کوردستان پەیامێک ئاراستەی شێخ محەممەد بن ئال نەهیان دەکات و تێیدا سوپاسی هەڵوێستە جوامێرانییەکەی دەکات.

چیرۆکی سەرەکی: ئەمڕۆ چوارشەممە 11-6-2025، بە ئامادەبوونی سەرۆک مەسعود بارزانی، تەرمی کەریم شنگالی، وەزیری پێشووی ناوخۆی کوردستان گەڕێنرایەوە هەولێر، هەروەها لە مانەوەی کەریم شنگالی لە نەخۆشخانەیەکی ئیمارات، خزمه‌تێكى پزيشكيى زۆر باش و مامه‌ڵه‌يه‌كى مرۆيى و جوامێرانه‌ى باڵاى پێشكه‌ش كراوە کە هه‌موو هه‌وڵێك بۆ چاودێریکردنی درا.

پەیامی فەرمی: لەمبارەیەوە نێچیرڤان بارزانی، سەرۆکی هەرێمی کوردستان پەیامێکی ئاراستەی سەرۆکی ئیمارات کرد و تێیدا هاتووە: بە ناوی خۆم و گەلی کوردستانەوە، ئه‌وپه‌ڕى سوپاس و پێزانینم پێشكه‌ش به‌ شێخ محەممەد بن زاید ئال نەهیان، سەرۆکی دەوڵەتی ئیمارات و دیوان و نووسينگه‌کەی ده‌كه‌م، بۆ ئەو گرنگيپێدان و چاودێرييه‌ تایبەتەی ئه‌م دوايييه‌ له‌ ماوه‌ى وه‌رگرتنى چاره‌سه‌ريدا له‌ ئه‌بوزه‌بى کە پێشكه‌ش به‌ کەریم شه‌نگالى کرا.

- بۆ هەڵوێستى به‌رزى برایەتييان بە ئه‌ركى گه‌ڕاندنه‌وه‌ى تەرمی خوالێخۆشبوو بۆ نيشتمان، نيشانه‌يه‌كى ڕاستەقینەی پەیوەندیى پته‌و و گيانى برایەتيی نێوان گەلی کوردستان و دەوڵەتی ئیماراته‌ به‌ سەرکردایەتی و گەلى هه‌ردوولاوه‌. ئەم هەڵوێستە مرۆيى و جوامێرييه‌ى ئه‌وان به‌زر هه‌ڵده‌سه‌نگێنين و بۆ هه‌ميشه‌ به‌ مايه‌ى پێزانین و سوپاسگوزاريی گەل و سەرکردایەتیی كوردستان ده‌مێنێته‌وه‌.

- له‌ هه‌مان كاتدا سوپاسگوزارى و پێزانينى خۆمان بۆ ئه‌و هه‌موو هاوكارى و پشتيوانييه‌ى ئيمارات دووپات ده‌كه‌ينه‌وه‌ كه‌ به‌گشتى پێشكه‌ش به‌ عێراق و بە هه‌رێمى كوردستان ده‌كات. ئه‌و پشتيوانييه‌ ڕاستگۆيه‌ى كه‌ پته‌ويى په‌يوه‌نديى دۆستايه‌تى و برايه‌تيى نێوانيان ده‌رده‌خات.