سوودانی فەرمانێک لەبەرژەوەندیی بەشێکی فەرمانبەران دەردەکات

ئاڤا نیوز

محەممەد شیاع سوودانی، سەرۆکوەزیران و فەرماندەی گشتی هێزە چەکدارەکانی عێراق، فەرمان دەكات، ڕێزی تایبەتی ئەو کارمەندانە بگرن كە تووشی نەخۆشی شێرپەنجە و نەخۆشی شۆردنی گورچیلە بوون. ئەم فەرمانە سەرجەم فەرمانبەرانی دەوڵەت دەگرێتەوە.

بۆچی گرنگە: ئەم فەرمانە سەرجەم فەرمانبەرانی دەوڵەت دەگرێتەوە، بەتایبەت ئەوانەی لە کەرتی سەربازی و ئەمنی کاردەکەن و تووشی نەخۆشی شێرپەنجە و نەخۆشی شۆردنی گورچیلە دەبن، ئەمەش وەک پاڵپشتییەکی دەرونی و پێزانینێك بۆ بارودۆخی تەندروستییان.

شێوازی جێبه‌جێكردن: بەپێی فەرمانەکەی سەرۆکوەزیرانی عێراق، پێویستە هەموو وەزارەت و هێزە ئەمنییەکان و سەرجەم دامودەزگاکانی دەوڵەت ڕەچاوی ئەم خاڵانە بکەن لەگەڵ تووشبوانی نەخۆشی شێرپەنجە و نەخۆشی شۆردنی گورچیلە.

- لە پەنجەمۆری ئامادەبوون و ڕۆیشتن لێخۆشبوونیان بۆ بکرێت.
 
- بۆ پێدانی مۆڵەت ئاسانکارییان بۆ بکرێت.
 
- بە پێی دەسەڵاتی وەزیر هاوکاری دارایی بکرێن.

- لە مەرجی تیروپشکی حەج ببەخشرێن.

- هێڵی ئاسمانی عێراقی داشکاندنی گونجاویان لە بلیتی فڕۆکەوانی بۆ بکات.