عێراق دەیەوێت سەرجەم ئاوارەکانی کەمپی هۆڵ بگەڕێنێتەوە زێدی خۆیان

ئاڤا نیوز

 

ڕاوێژکاری ئاسایشی نیشتمانیی عێراق ڕایدەگەیێنێت، حکومەت سوورە لەسەر گەڕاندنەوەی سەرجەم ئاوارە عێراقییەکانی کەمپی هۆڵ لە سووریاوە بۆ ناوچەکانی خۆیان، تاوەکو کۆتایی بەو مەترسییە مرۆیی و ئەمنییە گەورەیە بهێنرێت و ڕێگە نەدرێت بە ناوچەکەدا بڵاوببنەوە.

 

وێنە گەورەکە: کەمپی هۆل، گەورەترین کەمپی ژن و منداڵی خێزانەکانی داعشە لە ڕۆژئاوای کوردستان، بەگوێرەی نوێترین ئاماری ئیدارەی ڕۆژئاوای کوردستان، زیاتر لە 34 هەزار کەسی تێدا نیشتەجێیە، کە زۆرینەیان خەڵکی عێراق و سووریان.

 

لێدوانی فەرمی: قاسم ئەعرەجی، ڕاوێژکاری ئاسایشی نیشتمانیی عێراق لە ڕاگەیێنراوێکدا بەبۆنەی ڕۆژی جیهانیی بەرەنگاربوونەوەی توندڕەوی، ڕایگەیاند، گەڕاندنەوەی ئاوارەکان بەپێی پلانێکی نیشتمانی و بەرپرسیارانە جێبەجێ دەکرێت، کە تێیدا لایەنە ئەمنی و مرۆییەکان بۆ پاراستنی سەقامگیریی وڵات بە وردی ڕەچاو کراون.

 

ڕێگەچارە: حکومەتی عێراق کار بۆ ڕاهێنانەوە و تێکەڵکردنەوەی ئەم خێزانانە بۆ ناو کۆمەڵگە دەکات، تاوەکو ڕێگری لە هەر هەوڵێکی گرووپە تووندڕەوەکان بۆ بەکارهێنانی ئەو ئاوارانە بە تەواوی بگیرێت.

 

ڕاوێژکاری ئاسایشی نیشتمانی ئاماژەی بەوە کرد، چارەسەرکردنی دۆسیەی کەمپی هۆڵ یارمەتیدەر دەبێت لە بنبڕکردنی هۆکارەکانی تووندڕەوی و چەسپاندنی ئاشتییەکی هەمیشەیی و سەقامگیریی لە هەموو ناوچەکانی عێراقدا.

 

زانیاری زیاتر: ئەعرەجی وتیشی، عێراق وەک هاوبەشێکی متمانەپێکراو لە جیهاندا کار دەکات و بڕوای وایە وەبەرهێنان لە دادپەروەریی و هزردا، باشترین ڕێگەیە بۆ بونیادنانی ئاسایشی بەردەوام و دابینکردنی داهاتوویەکی باشتر.

 

ئەوەی پێویستە بیزانیت: ئەو گوتانەی ئەعرەجی لەکاتێکدایە، سەرچاوەیەک لە ڕێکخراوێکی مرۆیی بە فرانس پرێس ڕاگەیاند: "زۆربەی خێزانە بیانییەکان لە کەمپی هۆڵ، لە باکووری ڕۆژهەڵاتی سووریا هەڵهاتوون.