فرانس پرێس: بەشێکی زۆری خێزانەکانی داعش لە کەمپی هۆل هەڵاتوون

ئاڤا نیوز

ئاژانسی فرانس پرێس ڕایگەیاند: بەشێکی زۆری خێزانەکانی ناو کەمپی هۆل هەڵاتوون، لە ئێستادا نزیکەی 20 خێزان ماون، ئەمەش دوای ئەوەی هێزەکانی هەسەدە لەو کەمپەدا کشانەوە حکومەتی سووریا ئەرکی پاراستن و چاودێریکردنی ئەوە کەمپەی لە ئەستۆ گرتووە. 

زانیاریی بەدەستهاتوو: سەرچاوەیەک لە ڕێکخراوێکی مرۆیی بە فرانس پرێس ڕاگەیاند: "زۆربەی خێزانە بیانییەکان لە کەمپی هۆڵ، لە باکووری ڕۆژهەڵاتی سووریا هەڵهاتوون کە کەسوکاری گومانلێکراوانی داعش بوون هەڵاتوون. 

سەرچاوەکە ئاشکرای کردووە، لە شەممەی ڕابردووەوە، تاوەکو ئێستا 20 خێزانی بیانی لە کەمپەکەدا ماون." لە کاتێکدا پێشتر نزیکەی 24 هەزار کەس لەو کەمپدا نیشتەجێکرابوون، زۆربەیان ژن و منداڵانی داعش بوون.

٠ بەگوێرەی هەواڵی ئاژانسی فرانس پرێس، 15 هەزار خێزانی ئەو کەمپە رەگەزنامەی سووریان هەبووە و زیاتر لە شەش هەزار خێزانی دیکە هەڵگری رەگەزنامەی بیانین و لە 40 نەتەوەی جیاوازن و هاوکات هەزارانی دیکە خاوەنی رەگەزنامەی عێراقین. 

باکگراوند: مانگی ڕابردوو، حکومەتی سووریا دەستی بەسەر کەمپەکەدا گرت و زیاتر لە شەش هەزار کەسی بیانی لە 40 نەتەوەی جیاوازی تێدابوو، کەمپی هۆل، گەورەترین کەمپی ژن و منداڵی خێزانەکانی داعشە لە ڕۆژئاوای کوردستان.