ئەنجوومەنی وەزیرانی عێراق کۆدەبێتەوە

ئاڤا نیوز

بەراورد بە هەفتەکانی ڕابردوو، بڕیارە دوای نیوەڕۆی ئەمڕۆ پێنجشەممە ئەنجوومەنی وەزیرانی عێراق کۆببێتەوە.

وێنە گەورەکە: هەموو ڕۆژانی سێشەممەیەک ئەنجوومەنی وەزیرانی عێراق کۆدەبێتەوە، پێش بەڕێوەچوونی کۆبوونەوەکەش بە هیچ جۆرێک ئەجێنداکەی ئاشکرا ناکرێت، بەڵکو دوای کۆبوونەوەکە ڕاگەیێنراویان دەبێت.

زانیاریی بەدەستهاتوو: سەرچاوەیەکی ئاگادار کە قسەی بۆ میدیای عێراق کردووە، ئاماژە بۆ ئەوە دەکات ئەنجوومەنی وەزیران ئەمڕۆ کاتژمێر یەکی دوای نیوەڕۆ، دانیشتنێکی قەرەبووکردنەوە ئەنجام دەدات لەبری ئەو دانیشتنەی کە سێشەممەی ڕابردوو بەهۆی پشووی جەژنی قوربانەوە بەڕێوەنەچوو.

ئەوەی پێویستە بیزانیت: ڕۆژ سێشەممەی ڕابردوو 2025-06-03، کۆبوونەوەی ئاسایی ئەنجوومەنی وەزیرانی عێراق بە سەرۆکایەتی محەممەد شیاع سوودانی بەڕێوەچوو، بەڵام ژمارەیەک وەزیری کورد وەک هەڵوێست وەرگرتنێک لە بەرامبەر ڕاگرتنی مووچەی مووچەخۆرانی هەرێمی کوردستان لەلایەن وەزارەتی داراییەوە، بەشداری کۆبوونەوەکەیان نەکرد.

بە تەنیشت ئەو بابەتەوە: لە کۆبوونەوەی ڕابردووی ئەنجوومەنی وەزیرانی عێراق چاوەڕێی ئەوە دەکرا، سوودانی بابەتی ناردنی مووچەی مانگی ئایاری فەرمانبەرانی کوردستان بخاتە دەنگدانەوە و بەشێوەی قەرز، مینحە یان سولفە پارەکە بنێردرێت، بەڵام لە کۆبوونەوەکەدا باسی ئەم بابەتە نەکرا.