باڵیۆزخانەی ئەمەریکا لە بەغدا لەبارەی کەمکردنەوەی کارمەندانی ڕوونکردنەوە دەدات

ئاڤا نیوز

باڵیۆزخانەی ئەمەریکا لە بەغدا ئاشکرای دەکات، کەمکردنەوەی نێردەی دیبلۆماسی وڵاتەکەی لە بەغدا و کونسوڵخانەی ئەمەریکا لە هەولێر ئارەزوومەندانە نییە و بڕیاری واشنتە و دەبێت جێبەجێ بکرێت.

 

وێنە گەورەکە:  بەهۆکاری بوونی مەترسی ئەمنیی، ئەمریکا بڕیاریدا ژمارەی کارمەندانی باڵیۆزخانەی وڵاتەکەی لەبەغدا کەمبکاتەوە، حکومەتی عێراقیش ڕایگەیاند، هیچ مەترسییەکی ئەمنیی لە وڵاتدا بوونی نییە تا پێویست بەو بڕیارە بکات.

 
ڕاگەیێنراوی فەرمی: لە بەیاننامەیەکدا باڵیۆزخانەی ئەمریکا لەبەغدا ڕایگەیاند: بە بڕیاری فەرمی حکومەتی ئەمریکا دەبێت بەشێک لە کارمەندانی باڵیۆزخانەی وڵاتەکەی لەبەغدا و کونسوڵخانەی ئەمەریکا لە هەولێر عێراق جێبهێڵن. 

 

زانیاریی زیاتر:  باڵیۆزخانەی ئەمریکا لەبەغدا ئاماژەی بەوەشکرد، بەهۆکاری ئەمنیی ژمارەی ئەو فەرمانبەرانە ئاشکرا ناکرێت کە عێراق جێدەهێڵن و دەگەڕێنەوە بۆ ئەمریکا، بەڵام فەرمانەکە بەپەلەیە و دەبێت دەستبەجێ جێبەجێ بکرێت.

 

لەلایەکی دیکەوە: حکومەتی عێراق ڕایگەیاند، بڕیاری ئەمریکا بۆ کەمکردنەوەی کارمەندانی باڵیۆزخانەکەی لە بەغدا ڕێکارێکی خۆپارێزییە و دۆخی ئاسایش و ئارامی عێراق تا دێت بەرەو باشتربوون دەچێت، جەختیش دەکاتەوە لەسەر ئەوەی هەموو نێردە دیپلۆماسییەکانی وڵاتانی بیانیی لە عێراق پارێزراون و هیچ هەڕەشەیەکیان لەسەر نییە.