ئوردن خستنە خوارەوەی چەندین مووشەک و درۆنی ئێرانی ئاشکرا دەکات

ئاڤا نیوز

دوای ئەوەی ئاسمانی وڵاتەکەی بەزاندووە، سوپای ئوردن بەفەرمی خستنە خوارەوەی چەندین مووشەک و درۆنی ئێرانی ڕاگەیاند.

چیرۆکی سەرەکی: دوای هێرشێکی بەرفراوانی ئیسرائیل بۆ سەر چەندین ناوەند و دامەزراوەیەکی گرنگی ئێران و کوشتنی چەندین فەرماندەی باڵای سوپای پاسداران و زانای ئەتۆمی ئەو وڵاتە، وەکو کاردانەوەیەک ئێران سەد درۆنی ئاراستەی ئیسرائیل کرد. 

ڕاگەیێنراوی فەرمی: لە بەیاننامەیەکدا سوپای ئوردن لە زاری سەرچاوەیەکی سەربازی بەرپرسیارەوە بڵاویکردەوە: فڕۆکە و سیستەمی بەرگری ئاسمانی هێزی ئاسمانی شاهانەی ئوردن، ڕێگرییان لە ژمارەیەک مووشەک و فڕۆکەی بێفڕۆکەوانی ئیرانی لەئاسمانی وڵاتەکەیان گرت و خستیانە خوارەوە .

- لە بەیاننامەکەدا سوپای ئوردن ئاماژەی بەوەکرد، بۆ پاراستنی گیانی هاووڵاتییانی وڵاتەکەی بەردەوام دەبن لە ڕێگریکردن لە هەر فڕۆکە و موشک و درۆنێکی ئێرانی ئاسمانی وڵاتەکەیان ببەزێنێت.