موقتەدا سەدر: عێراق و گەلەکەی پێویستیان بە جەنگێکی نوێ نییە

ئاڤا نیوز

 

سەرۆکی ڕەوتی نیشتمانی شیعە ئاشکرای دەکات، عێراق و گەلەکەی پێویستیان بە جەنگی نوێ نییە و داوای سەرکوتکردنی ئەو دەنگانە دەکات خەڵکی عیراق تووشی نەهامەتی بکات.

 

چیرۆکی سەرەکی: بەرەبەیانی ئەمڕۆ هەینی 13-6-2025 ئیسرائیل هێرشێکی بەرفراوانی کردە سەر دامەزراوە ئەتۆمییەکانی ئێران و ماڵی چەندین سەرکردەی سوپای پاسدارانیشی بە ئامانج گرت لەبەرامبەردا ئێران دەیان درۆنی ئاڕاستەی ئیسرائیل کرد، هەردوولاش ئاسمانی عێراقیان بەزاندووە لەو هێرشانەدا. 

 

ڕاگەیێنراوی فەرمی: موقتەدا سەدر، سەرۆکی ڕەوتی نیشتمانی شیعە لە پۆستێکدا لەتۆڕی کۆمەڵایەتی ئێکس نووسیویەتی:  وەک چاوەڕوانمان دەکرد جەنگ لەناوچەکە دەستی پێکردوو و تەنیا خودا ئەنجامەکانی دەزانێت، ئیسڕائیل بە پشتیوانی ڕاستەوخۆی ئەمریکا هەموو سنوورەکانی تێپەڕاند.

 

كاریگه‌ریی و لێكه‌وته‌كان:  سەدر هۆشداری دا لەوەی ئەگەر دۆخەکە بەم شێوەیەی ئێستا بەردەوام بێت ئەوا ئەم جەنگە لەچوارچێوەی ئێرا نامێنێتەوە و تەنیا ئەو وڵاتە ناکرێتە ئامانج.

 

چاره‌سه‌ره‌كان: سەرۆکی ڕەوتی نیشتمانی شیعە جەخت لە گرنگی دوورخستنەوەی عێراق لەم جەنگە دەکاتەوە و دەڵێت "عێراق و گەلەکەی پێویستیان بە شەڕی نوێ نییە، بۆیە داوای کپکردنی دەنگی نەفام و گوێگرتن لە دەنگی حیکمەت و زانایانی دیار دەکەین .