پزیشکیان: ئیسرائیل لەو هێرشە بێمێشکانە پەشیمان دەکەینەوە

ئاڤا نیوز 

 

دوای هێرشەکانی ئیسرائیل بۆ سەر ئێران پزیشکیان ڕایگەیاند، داوا لە هاووڵاتییانی ئازیزی وڵاتەکەمان دەکەم کە هەموویان یەک دەنگ و یەک هەڵوێست بن لەبەرامبەر هێرشە ناڕەواکانی دووژمن بۆ سەر وڵاتەکەمان. دڵنیابن ئیسرائیل لەو هێرشە پەشیمان دەکەینەوە. 

 

چیرۆکی سەرەکی: بەرەبەیانی ئەمڕۆ هەینی 13-06-2025، ئیسرائیل لە ڕێگەی  200 فرۆکەی جەنگییەوە هێرشێکی بەرفراوانی بۆ سەر 12 شاری ئێران و 8 شاری دیکەی ڕۆژهەڵاتی کوردستان ئەنجامدا، ژمارەیەک فەرماندەی باڵای سەربازی سوپای پاسدارانی ئێران و شەش زانای ئەتۆمی ئەو وڵاتە کوژران. 

 

لێدوانی فەرمی: مەسعود پزیشکیان، سەرۆککۆماری ئێران ڕایگەیاند، شەوی هەینی ئیسرائیل هێرشێکی وەحشییانەی بۆ سەر وڵاتەکەمان ئەنجامدا و ئەوەش بووە هۆی کوژرانی هاووڵاتییانی سیڤیلی وڵاتەکەمان و چەندین بەرپرس و زانای وڵاتەکەشمان کوژراون. 

 

- دڵنیایی دەدەین بە هاووڵاتییانمان ئەو هێرشانە بێ وەڵامدانەوە نابن و هێرشی چاوەڕوانکراومان دەبێت. 

- داوا لە هاووڵاتییانی ئازیزی وڵاتەکەمان دەکەم کە هەموویان یەک دەنگ و یەک هەڵوێست بن لەبەرامبەر هێرشە ناڕەواکانی دووژمن بۆ سەر وڵاتەکەمان. 

- ئاڵای وڵاتەکەمان لە دەستی هەر بەرپرسێک بکەوێت بەرپرسێکی دیکە ئاڵاکەمان بەرز دەکاتەوە.