هەرێمی کوردستان سەرکۆنەی هێرشی ئیسرائیل بۆ سەر ئێران دەکات

ئاڤا نیوز

 

دوای هێرشە کتوپڕەکەی شەوی ڕابردووی ئیسرائیل بۆسەر دامەزراوە ئەتۆمی و سەربازییەکانی ئەو وڵاتە، کاردانەوەکان خێران، سەرۆکایەتیی هەرێمی کوردستان لە ڕاگەیێنراوێکدا سەرکۆنەی ئەو هێرشانە دەکات.

وێنە گەورەکە: زیاتر لە دوو مانگە دانوسانەکانی نێوان ئەمریکا و ئێران لەسەر دۆسیەی ئەتۆمی ئێران دەستی پێکردووە. بەڵام هێرشەکانی دوێنێ شەوی ئیسرائیل بۆسەر وێستگە ئەتۆمییەکانی ئەو وڵاتە هەموو دانیشتنەکانی خستەوە چوارگۆشەی یەکەم.

ڕاگەیێنراوی فەرمی: سەرۆکایەتی هەرێمی کوردستان دوای نیوەڕۆی ئەمڕۆ هەینی ڕایگەیاند، "سه‌ركۆنه‌ى هێرشه‌كه‌ى ئيسرائيل بۆ سه‌ر كۆمارى ئيسلاميى ئێران و به‌كارهێنانى هێزى سه‌ربازى له‌ يه‌كلاكردنه‌وه‌ى ناكۆكييه‌كاندا ده‌كه‌ين. ئه‌م پێشهاتانه‌ ئارامى و سه‌قامگيريى ناوچه‌كه‌ ئاڵۆزتر ده‌كه‌ن و ده‌بنه‌ هه‌ڕه‌شه‌ له‌ سه‌ر ئاسايش و سه‌قامگيريى ناوچه‌يى و نێوده‌وڵه‌تى".

لە بەشێکی دیکەی ڕاگەیێنراوەکەی سەرۆکایەتی هەرێمی کوردستان هاتووە، "ڕووبه‌ڕووبوونه‌وه‌ و ڕێكارى سه‌ربازى، ڕه‌وشه‌كه‌ خراپتر ده‌كات. له‌م كاته‌‌ هه‌ستياره‌دا، ئه‌ركى كۆمه‌ڵگه‌ى نێوده‌وڵه‌تييه‌ كه‌ كاردانه‌وه‌ى خێرا و به‌په‌له‌ى هه‌بێت و كار بۆ ئه‌وه‌ بكات ئاڵۆزى و پشێوييه‌كان له‌وه‌ زياتر په‌ره‌ نه‌ستێنن و تا زووتره‌ ڕێ له‌ ته‌شه‌نه‌سه‌ندنى زياترى دۆخه‌كه‌ بگيرێت".