دۆناڵد ترەمپ: هێرشەکەی ئیسرائیل بۆ سەر ئێران شاز بوو

ئاڤا نیوز

 

دۆناڵد ترەمپ لە چاوپێکەوتنێکدا لەگەڵ کەناڵی ئەی بی سی نیوز ڕایگەیاند، هێرشەکانی ئیسرائیل بۆ سەر ئێران زۆر بە باشی بەڕێوەچوون و وەکو گوتم ڕووداوی زیاتر بەڕێوەیە. 

 

چیرۆکی سەرەکی: بەرەبەیانی ئەمڕۆ هەینی سوپای ئیسرائیل هێرشێکی فراوانی کردە سەر چەندین دامەزراوە و شوێنی نیشتەجێبوونی فەرماندە باڵاکانی سوپای پاسدارانی ئێران، ژمارەیەک بەرپرس و زانای ئەتۆمی ئەو وڵاتەی کوشت. 

 

زانیاریی زیاتر: میدیایی فەرمی ئێران بڵاوی کردەوە کە تەنیا لە ماوەی چەند کاتژمێری ڕابردوودا بەهۆی هێرشی ئیسرائیلەوە زیاتر لە 75 کەس کوژراون و زیاتر لە 300 کەسی دیکەش بریندار بوون. 

لێدوانی فەرمی: دۆناڵد ترەمپ لە چاوپێکەوتنێکدا لەگەڵ کەناڵی ئەی بی سی نیوز ڕایگەیاند، هێرشەکانی ئیسرائیل بۆ سەر ئێران زۆر بە باشی بەڕێوەچوون و چاوەڕوان بن ڕووداوی زیاتر بەڕێوەیە. 

 

- ئێمە دەرفەتی زۆرمان داوە بە ئێران بەڵام سوودیان لەو دەرفەتانە وەرنەگرت بۆیە زەبری گەورەیان بەرکەوتووە.

- ئەمە سەرەتایە شتی زیاتر و ڕووداوی زۆر زیاتر بەڕێوەیە. 

ئەمەش بزانە: دۆناڵد ترەمپ لە ڕاگەیێنراوێکدا لە تۆڕی کۆمەڵایەتی ئێکس ڕایگەیاند، ماوەی 60 ڕۆژ دەرفەتم بە ئێراندا بەڵام ئەوان 61 ڕۆژ وەڵامیان نەبوو، بۆیە ئێستاش پێیان دەڵێم ڕەنگە دەرفەتێکی دیکە لەبەردەستدا مابێت.