ڕۆیتەرز: ئیسرائیل 20 فەرماندەی ئێرانی کوشتووە

ئاڤا نیوز

سوپای ئیسرائیل لە هێرشێکی فراواندا بۆ سەر ئێران 20 فەرماندەی باڵای ئەو وڵاتەی کوشتووە. 

بڵاوکراوەی فەرمی: ئاژانسی ڕۆیتەرز بڵاویکردەوە، ئیسرائیل بەجۆرێک زیانی لە ئێران داوە کە ئەو وڵاتە ناتوانێت جارێکی دیکە ببێتە مەترسی بۆ ئەو وڵاتە و لە هێرشەکانی بۆ سەر ئێران 20 فەرماندەی باڵای ئەو وڵاتەی کوشتووە.

 

زانیاریی زیاتر: بەرپرسێکی سەربازی ئیسرائیل بە سی ئێن ئێنی ئەمریکی ڕاگەیاندووە، مۆساد لە ناو ئێران بنکەی هەڵدانی فڕۆکەی بێفڕۆکەوانی بۆمبڕێژکراوی دروستکردووە.

 

ئەمەش بزانە: بەرپرسێکی دیکەی ئیسرائیلیش بە فۆکس نیوزی ڕاگەیاند، فەرماندە باڵاکانی هێزی ئاسمانی ئێرانمان هەڵخەڵەتاند و هەندێک چالاکیمان ئەنجامدا بۆ ئەوەی کۆبوونەوەیەک ئەنجام بدەن، دواتر لە هەمان ئەو شوێنەی تیایدا کۆبوونەوە بۆردوومانمان کردن.