وەزارەتی دەرەوەی ئەمریکا بۆ هاووڵاتیانی: بەزوویی خاکی ئێران جێبهێڵن

ئاڤا نیوز

 

وەزارەتی دەرەوەی ئەمریکا داوا لە هاووڵاتیانی وڵاتەکەی دەکات دەستبەجێ خاکی ئێران بەجێبهێڵن.

 

وێنە گەورەکە: دوای هێرشی بەرەبەیانیی ئەمڕۆی ئیسرائیل بۆ سەر خاکی ئێران و کوشتنی سەرکردە سەربازییەکانی ئێران و وێرانکردنی چەند پێگەیەکی ئەتۆمیی ئێران، دۆناڵد ترەمپ، سەرۆکی ئەمریکا پشتیووانی ئەمریکای بۆ هێرشەکە دەربڕی و بە هەنگاوێکی ئەرێنی ناوزەند کرد.

 

بڵاوکراوەی فەرمی: وەزارەتی دەرەوەی ئەمریکا کەمێک پێش ئێستا لە بڵاوکراویەکی فەرمیدا ئێرانی بە "ناوچەی مەترسیداری بەرز" بۆ هاووڵاتیانی ئەمریکی ڕاگەیاند و داوا لە ئەمریکیەکان دەکات، هەموو گەشتەکانیان لە وڵاتانی دیکەوە بۆ ئێران هەڵبوەشێننەوە، ئەو ئەمریکیانەشی لە خاکی ئێرانن دەستبەجێ ئێران بەجێبهێڵن، گەر دەرفەت و توانای جێهێشتنی خاکی ئێرانیان نەبوو هەوڵی دۆزینەوەی شوێنێکی سەلامەت بدەن تاوەکو دەرفەتی جیێهێشتنی ئێرانیان دەبێت.