ئیسرائیل جارێکی دیکە تاران و ئەسفەهانی بۆردوومان کرد

ئاڤا نیوز

 

بەگوێرەی میدیاکانی ئێران و ئیسرائیل، فڕۆکە جەنگییەکانی ئیسرائیل جارێکی دیکە چەند ناوچەیەکی دیکەی تارانی پایتەختی ئێرانیان بۆردوومان کرد؛ لەوانە فڕۆکەخانەی میهراباد لە تاران و چەند ناوچەیەک شاری ئەسفەهان.

 

وێنە گەورەکە: کاتژمێر 3:30ـی خولەکی بەرەبەیانیی ڕۆژی هەینی، ئیسرائیل لە ڕێگەی 200 فڕۆکەی جەنگییەوە هێرشی کردە سەر دامەزراوە ئەتۆمی و شوێنی نیشتەجێبوونی دەیان فەرماندەی سوپا و زانای ئەتۆمیی ئێران. لەبەرامبەر ئەو هێرشەدا کاتژمێر 9:30ـی خولەکی ئەمشەو، ئێران "هێرشی تۆڵە"ـی دژی ئێران دەستپێکرد و بە مووشەکی بالیستیکی- کە بەگوێرەی میدیای ئێران ژمارەیان 150 مووشەک بوو- ئەو وڵاتەی بۆردوومان کرد.

 

ڕاگەیێنراوی فەرمی: کەناڵی 12ئیسرائیلی بڵاویکردەوە، فڕۆکە جەنگییەکانی ئیسرائیل جارێکی دیکە چەند ناوچەیەکی لە ئێرانیان بۆردوومان کردەوە و بەگوێرەی زانیارییە سەرەتاییەکان، یەکێک لەو شوێنانەی کراوەتە ئامانج، فڕۆخانەی میهراباد بووە لە تارانی پایتەخت. هەر لەو هێرشانەدا لە شاری ئەسفەهان دەنگی چەند تەقینەوەیەک بیستراوە کە بەگوێرەی میدیاکانی ئێران بەهۆی بۆردوومانی ئیسرائیلەوە بووە.

 

ئەوەی لەبارەیەوە دەگوترێت: ئاژانسی تەسنیمی نیمچە فەرمیی ئێرانی بڵاویکردەوە، دەنگی ژمارەیەک تەقینەوە لە تارانی پایتەخت بیستراوە.

 

بەتەنیشت ئەم بابەتەوە: پاش ئەو هێرشە مووشەکیەی کە ئێران کردیە سەر ئیسرائیل، نزیکەی 63 کەس بریندار بوون، یەکێک لە بریندارەکانیش بەهۆی سەختی برینەکەیەوە گیانی لەدەست دا.