ترەمپ: ئێران ئەم شەڕە ناباتەوە

ئاڤا نیوز

سەرۆکی ئەمریکا دەڵێت، ئیسرائیل زۆر بە باشی کارەکەی لە دژی ئێران ئەنجام دەدات و ئێران ئەم شەڕە ناباتەوە.

وێنە گەورەکە: ترەمپ بەشداری کۆبوونەوەیەکی لووتکەی جی 7 کرد کە لە کەنەدا بەڕێوەچوو، کۆبوونەوەکە تایبەت بوو بە گرژییەکانی نێوان ئیسرائیل و ئێران. 

لێدوانی فەرمی: دۆناڵد ترەمپ، سەرۆکی ئەمریکا سەبارەت بە شەڕی نێوان ئێران و ئیسرائیل ڕایگەیاند ئیسرائیل زۆر بە باشی کارەکەی لە دژی ئێران ئەنجام دەدات و ئێران ئەم شەڕە ناباتەوە.

ترەمپ هەروەها گوتی ئێرانییەکان ویستی ئەوەیان هەیە سەبارەت بە کەمکردنەوەی گرژییەکان گفتوگۆ بکەن.

ئەوەی پێویستە بیزانیت: ترەمپ لە میانەی کۆبوونەوەیەکی لەگەڵ مارک کارنی، سەرۆکوەزیرانی کەنەدا و لە پەراوێزی کۆبوونەوەی لوتکەی جی 7 ئەم لێدوانەی دا.