مۆدێلی بەیرووت؛ ستراتیژییەتێکی نوێی سەربازیی ئیسرائیل بەرامبەر ئێران

ئاڤا نیوز

ئیسرائیل مۆدێلێکی نوێی جەنگ بەناوی (دەهیە) بەرامبەر ئێران بەکاردەهێنێت کە پێشتر لە جەنگی بەیروت لە لوبنان بەکاریهێناوە.

مۆدێلی بەیروت - دەهیە چییە؟

. ستراتیژیەتێکی نوێی سەربازییە، پێی دەگوترێت مۆدێل دەهیە، ئیسرائیل ساڵی 2006 لە جەنگی لوبنان بەکاریهێناوە بەتایبەت لە بەیروتی پایتەخت.

. بەوهۆیەوە هێز و فشارێکی زۆر بەکاردەهێنرێت بۆ سەر خەڵکی مەدەنی لە وڵاتی بەرامبەر.

. ڕاستەوخۆ خەڵک بۆردوومان ناکرێت، بەڵکو وایان لێ دەکرێت ئاوارە بن و خۆیان شوێنی نیشتەجێبوونیان جێبهێڵن.

. پڕۆژە خزمەتگوزارییەکان وەکو ئاو و کارەبا و بنەما سەرەکییەکانی ژیان بۆردوومان دەکرێن، ترس و دڵەڕاوکێ بڵاودەکرێتەوە، بەو هۆیەوە وا لە خەڵک دەکات بتۆقن و هەرکەس بەلایەکدا ڕا بکات.

ئامانج لەم مۆدیلەی جەنگ چیە؟

بەو ئامانجەیە خەڵک لە حکومەت هەڵبگەڕێنەوە تووڕە ببن و  ببنە کارتی فشار لەسەر حکومەت.

ئەوەی لەوبارەیەوە دەگوترێت: بەرپرسێکی پێشووی ئیسرائیل بەمشێوەیە پێناسەی مۆدێلەکە دەکات، ئەگەر مووشەکێک لە گوندێکەوە تەقێنرا، ئەوا هەموو گوندەکە دەبێتە ئامانجی ئەوان.

ئەوەی پێویستە بیزانیت: ئەم مۆدێلە یاسا نێودەوڵەتییەکان پێشڵ دەکات، بەهۆی ئەوەی زیان بە خەڵکی مەدەنی دەگەیێنرێت و دەبێتە تۆڵەسەندنەوەیەکی فراوان، تەنانەت هەندێکجار وای لێدێت لایەنەکان جیاوازی ناکەن لەنێوان خەڵکی مەدەنی و بنکە سەربازییەکان.