باڵیۆزی ئیسرائیل لە ئەمریکا: چاوەڕێی سوپرایزی گەورە بن

 

ئاڤا نیوز 

 

باڵیۆزی ئیسرائیل لە ئەمریکا نیازی وڵاتەکەی بۆ ''ئۆپەراسیۆنێکی گەورە لە کۆتایی ئەم هەفتەیەدا'' دژی ئێران ئاشکرا دەکات.

 

چیرۆکی سەرەکی: شەڕی نێوان ئیسرائیل و ئێران کەوتووەتە ڕۆژی پێنجەمەوە، هەڕەشەکانی هەردوولا لە دژی یەکتر، زیاتر دەبن و ئیسرائیل پێداگرە لەسەر ئەوەی؛ نابێت هەڕەشە ئەتۆمییەکانی ئێران بمێنێت، بۆ ئەم مەبەستەش ئۆپەراسیۆنەکانی لە ناوچە جیاجیاکانی ئێران بەردەوامە.

 

لێدوانی فەرمی: یەشییاڵ لیتەر، باڵیۆزی ئیسرائیل لە ئەمریکا، لە چاوپێکەوتنێکدا ئاشکرای کرد 'چاوەڕوانی سوپرایزێک بکەن لە کۆتایی ئەم هەفتەیەدا، جیهان تێدەگات کە ئێمە چەندە جددین لە وەستاندنی تواناکانی ئێران، نەوەک تەنیا لە غەززە یان باشووری لوبنان''.

 

زانیاریی بەدەستهاتوو: لیتەر دەڵێت، ''لەگەڵ ئارامبوونەوەی دۆخەکە، شەوی پێنجشەممە و هەینی سوپرایزێکی گەورە دەکەین، بە شێوەیەک کە ئەو ئۆپەراسیۆنەی لە ئامێری پەیجەرەکاندا ئەنجامدرا، لە بەرامبەر ئەم ئۆپەراسیۆنەمان زۆر سادەتر دەربکەوێت.''

 

ئەمەش بزانە: مانگی ئەیلوولی ساڵی ڕابردوو، لەلایەن ئیسرائیلەوە هێرشێکی ئەلیکترۆنی کرایە سەر ئامێرەکانی پەیوەندیکردنی ئەندامانی حیزبوڵڵای لوبنان (پەیجەرەکان) و لەڕێگەی هاککردنەوە، تەقێنرانەوە، بەو هۆیەوە زیاتر لە سێ هەزار ئەندامی حیزبوڵڵا قوربانی.