وەزیری بەرگریی ئیسرائیل بۆ دانیشتووانی تاران: بەزووترین کات چۆڵی بکەن

ئاڤا نیوز

 

وەزیری بەرگریی ئیسرائیل هەڕەشەی هێرشێکی گشتگیر و بەهێز بۆ سەر تاران دەکات و داوای دەستبەجێ چۆڵکردنی شارەکە دەکات.

 

وێنە گەورەکە: لە شەوی ڕابردووەوە دۆناڵد ترەمپ، سەرۆکی ئەمریکا و وەزیرانی بەرگری و دەرەوەی ئەمریکا، هەروەها بەرپرسانی باڵای سەربازیی ئیسرائیل داوای چۆڵکردنی تاران دەکەن و هەڕەشەی کۆتاییپێهێنانی دەسەڵاتی ئێستای ئێران دەکەن.

 

لێدوانی فەرمی: یسرائیل کاتز، وەزیری بەرگریی ئیسرائیل ئەمڕۆ لەبارەی دوایین پێشهاتەکان و پلانی سوپای ئیسرائیل بۆ هێرشکردنە سەر تاران ڕایگەیاند "داوا لە دانیشتوانی تاران دەکەم، بەپێی ڕێنماییەکانی سوپای ئیسرائیل شارەکە چۆڵ بکەن. بەپێی ئامانجەکانی جەنگ، بە هەموو هێزمانەوە لە هەموو دامەزراوەکانی ئێران دەدەین."

 

هەروەها دەڵێ: "پێویستە ڕژێمی دیکتاتۆری ئێران، چارەنووسی دیکتاتۆرەکەی پێشوو لە دەوڵەتی دراوسێی لە بیر نەکات."