ئێران داوا لە هاووڵاتیانی دەکات واتسئاپ و ئینستاگرام بسڕنەوە

ئاڤا نیوز

ئاژانسی هەواڵی تەسنیمی ئێرانی ڕایگەیاند، حکومەتی ئەو وڵاتە لە ڕێگەی دامەزراوەی ڕاگەیاندنەوە داوای لە هاووڵاتیان کردووە ئەپڵیکەیشنەکانی واتسئاپ و ئینستاگرام لە مۆبایلەکانیان بسڕنەوە.

ڕاگەیێنراوی فەرمی: بە گوێرەی میدیای فەرمیی ئێران ئەم دوو ئەپڵیکەیشنە سەرقاڵی کۆکردنەوەی زانیاریی بەکاربەرەکانیانن و زانیارییەکانی وەک لۆکەیشینی ئەو شوێنانەی کە سەردانی دەکەن، هەروەها ئەو پەیوەندییانەی کە ئەنجامیان داوە دەدەنە ئیسرائیل.

ئەوەی پێویستە بیزانیت: ئەم داواکارییەی ئێران لە هاووڵاتییانی لە کاتێکدایە کە هێرشەکانی ئێران و ئیسرائیل بۆ سەر یەکدی بەردەوامن.