فڕۆکە جەنگییەکانی ئەمریکا بەرەو ڕۆژهەڵاتی ناوەڕاست جووڵەیان پێکرا

ئاڤا نیوز

ئاژانسی هەواڵی ڕۆیتەرز لە زاری چەند سەرچاوەیەکی باڵای ئەمریکییەوە بڵاوی کردەوە کە ئەمریکا هێزی زیاتر ڕەوانەی ڕۆژهەڵاتی ناوەڕاست دەکات.

ڕاگەیێنراوی فەرمی: بە گوێرەی سەرچاوەکان ئەمریکا لە چوارچێوەی جووڵەکردن بە هێزەکانی فڕۆکەی جەنگی لە جۆرەکانی ئێف 16 و ئێف 22 و ئێف 35 ڕەوانەی ناوچەکە دەکات تا بوونی سەربازیی خۆی بە‌هێزتر بکات.

ئەوەی پێویستە بیزانیت: ئەمە لە کاتێکدایە دۆناڵد ترەمپ سەرۆکی ئەمریکا لە نووسینێکیدا لە تۆڕی کۆمەڵایەتیی تروس سۆشیاڵ ڕایگەیاند "ئێستا کۆنترۆڵی تەواوەتی و گشتگیری ئاسمانی ئێرانمان لە دەستدایە."