ترەمپ داوای خۆبەدەستەوەدانی بێ مەرج لە ئێران دەکات

ئاڤا نیوز

سەرۆکی ئەمریکا دۆناڵد نوێترین پەیامی خۆی لە تروس سۆشیاڵ بڵاوکردەوە و داوای خۆبەدەستەوەدانی بێ مەرج لە ئێران دەکات. دەشڵێت، "بەتەواوەتی ئاسمانی ئێرانمان کۆنتڕۆڵ کردووە".

وێنە گەورەکە: جەنگی نێوان ئیسرائیل و ئێران پێی ناوەتە ڕۆژی پێنجەمییەوە و تا دێت قوربانییەکان لە هەردوولا زیاتر دەبن. ئەمریکاش هێزەکانی لە ڕۆژهەڵاتی ناوەڕاست زیاتر دەکات و فڕۆکەی زیاتر جووڵە پێدەکات.

لێدوانی فەرمی: دۆناڵد ترەمپ، سەرۆکی ئەمریکا لە ئەکاونتی فەرمی خۆی لە تروس سۆشیاڵ وتی، بە تەواوەتی و بەگشتی ئاسمانی ئێرانمان کۆنترۆڵکردووە.

ئاماژەی بەوەشکرد، ئێران سیستمی ڕادار و بەرگری باشی هەیە و زۆریشی هەبووە، بەڵام بەراورد ناکرێت بە سیستمە دروستکراو و بەرهەمهێنراوەکانی ئەمریکا و هیچ کەسێک وەک ئەمریکا بە باشی دروستی ناکات.

ترەمپ داوای خۆبەدەستەوەدانی بێ مەرج لە ئێران کرد و دەڵێت، "نامانەوێت سەرباز و هاوڵاتیانمان بکرێنە ئامانجی مووشەکەکانی ئێران".

لەلایەکی دیکەوە: پێگەی ئەکسیۆس بڵاوی کردەوە و ڕایگەیاند، ترەمپ لە کۆبوونەوەکە بژاردەی سەربازیی پێ باش بووە کە لە دژی ئێران بەکاری بهێنێت.