ئەکسیۆس: پێدەچێت ئەمریکا بەشداری لە جەنگدا بکات

ئاڤا نیوز

سێ بەرپرسی ئەمریکی بە ئاکسیۆسی ئەمریکیان ڕاگەیاندووە، سەرۆک ترەمپ کاتژمێر 1ی پاشنیوەڕۆ بەکاتی ئەمریکا لەگەڵ تیمی ئاسایشی نیشتمانی ئەمریکا  کۆبووەتەوە بۆ بڕیاردان سەبارەت بە سیاسەتی ئەمریکا بەرامبەر بە شەڕی نێوان ئیسرائیل و ئێران.

زانیاریی بەدەستهاتوو: سەرچاوەکان باسیان لەوەکردووە، ترەمپ بە جددی بیر لە بەشداریکردنی ئەمریکا لە جەنگەکە دەکات و هێرشی ئەمریکا بۆ سەر دامەزراوە ئەتۆمییەکانی ئێران بەتایبەتی دامەزراوەی ژێرزەمینیی پیتاندنی یۆرانیۆم لە فۆردۆ دەستپێدەکات.

لەلایەکی دیکەوە: دوو بەرپرسی ئیسرائیل بە ئاکسیۆسیان ڕاگەیاندووە، بنیامین نەتانیاهۆ، سەرۆکوەزیرانی ئیسرائیل و وەزارەتی بەرگریی ئیسرائیل لەو باوەڕەدان ترەمپ لە چەند ڕۆژی داهاتوودا بچێتە ناو شەڕەوە و بۆردوومانی دامەزراوەکانی پیتاندنی یۆرانیۆمی ئێران بکەن.