جێگری سەرۆکی ئەمریکا: لەوانەیە ترەمپ هەنگاوی زیاتر بنێت

ئاڤا نیوز

دۆناڵد ترەمپ، سەرۆکی ئەمریکا ئێستا لە کۆبوونەوەدایە، بەپێی زانیارییە سەرەتاییەکان باس لەوە دەکرێت کە ترەمپ بژاردەی بەشداریکردن لە جەنگ بە باش دەزانێت بۆ کۆتاییهێنان بە ە بەرنامەی ئەتۆمیی ئێران.


چیرۆکی سەرەکی: ماوەی پێنج ڕۆژە جەنگی نێوان ئیسرائیل و ئێران بەردەوامە، تاوەکو ئێستا هەردوولا بە تووندی هێرش دەکەنە سەر یەکتری، بۆ کۆتاییهێنان بە بەرنامە ئەتۆمییەکەی ئێران، ڕەنگە ئەمریکاش بێتە ناو جەنگەکە.


لێدوانی فەمی: جەی دی ڤانس، جێگری سەرۆکی ئەمریکا، لە ڕێگەی تۆڕی کۆمەڵایەتیی ئێکسەوە ڕایگەیاند لەوانەیە ترەمپ بڕیار لە سەر پێویستیی کردەی زیاتر بۆ کۆتاییهێنان بە بەرنامەی ئەتۆمیی ئێران بنێت.

٠ ڤانس ڕایگەیاند ترەمپ بەردەوام ئەوەی گوتووە کە نابێت ئێران یۆرانیۆم بپیتێنێت و ئەوەشی گوتوە کە ئەمە بە دوو ڕێگا، یان دیپلۆماسی یان شەڕ، جێبەجێ دەبێت.

٠ جێگری سەرۆکی ئەمریکا ئاماژەی بەوەش کردووە کە ئەوەی بڕیار لەسەر ئەم بابەتە دەدات دۆناڵد ترەمپی سەرۆکی ئەمریکایە.