ئێران بەکارهێنانی ئامێری ئەلیکترۆنی لە بەرپرسانی قەدەغە دەکات

ئاڤا نیوز

لەسەر بڕیاری فەرماندەیی ئاسایشی ئەلیکترۆنیی وڵاتەکە، ئێران بەکارهێنانی ئامێری ئەلیکترۆنی، مۆبایل و ئایپاد لە بەرپرسان و تیمەکانیان و پاسەوانەکانیان قەدەغە دەکات.

چیرۆکی سەرەکی: بەرپرسانی ئێران ترسیان لە دووبارەبوونەوەی سیناریۆی تەقاندنەوەی مۆبایل و ئامێرە زیرەکەکان هەیە لەلایەن ئیسرائیلەوە، هاوشێوەی تەقاندنەوەی ئامێرە پەیجەرەکانی دەست ئەندامانی حیزبوڵڵا لە لوبنان.

ڕاگەیێنراوی فەرمی: ئاژانسی هەواڵی مێهری ئێران بڵاویکردەوە، ئامانجی بڕیارەکە ئەوەیە ئاسایشی ئەلیکترۆنی بەهێز بکات و زانیارییە هەستیارەکانی بەرپرسان بپارێزێت.

باکگراوند: بڕیارەکە دوای کوژرانی ژمارەیەک فەرماندەی باڵای سەربازی و زانای ئەتۆمی هات کە بەرپرسانی ئێران توشی سەرسوڕمان بوون بەوەی چۆن بەم خێراییە دەکرێنە ئامانج، هەندێکیان کە دەستبەکار دەبن لەدوای یەک دوو ڕۆژ دەکوژرێن.