لە سەرەتای جەنگەوە 14 زانای ئەتۆمی ئێران کوژراون

ئاڤا نیوز

بە پێی زانیارییە بڵاوکراوەکانی سوپای ئیسرائیل و میدیا ئەمریکییەکان تاوەکو ئێستا 14 زانای ئەتۆمی ئێران کوژراون.

وێنە گەورەکە: لە ڕۆژی هەینی ڕابردووەوە هێرشی ئیسرائیل بۆ سەر ئێران بە کوشتنی چەندین زانای ئەتۆمی ئێران دەستی پێکرد، تەلئەبیب جەخت لەسەر کۆتاییهێنانی بەرنامەی ئەتۆمی ئێران دەکاتەوە و یەکێک لەو ڕێگایانەشی بۆ ئەو ئامانجە گرتوویەتیەبەر بە ئامانجگرتنی زانا ئەتۆمییەکانی ئێرانە، بنیامین نەتانیاهۆ، سەرۆکوەزیرانی ئیسرائیل سەبارەت بە هێرشەکان ڕایگەیاند، لە ناوبردنی تەواوی بەرنامەی ئەتۆمی ئێران ئامانجی سەرەکی ئیسرائیلە.

بڵاوکراوەی فەرمی: ئەفیخای ئەدرۆعی، وتەبێژی سوپای ئیسرائیل ناوی نۆ لەو زانایانەی بڵاوکردەوە و ڕایگەیاند، لە هێرشەکانی ئیسرائیل نۆ زانای ئەتۆمی ئێران کوژراون.

لە لایەکی دیکەوە: ئاژانسی هەوڵی ڕۆیتەرز بڵاویکردەوە کە لە ماوەی سێ ڕۆژی ڕابردوودا پێنچ زانای دیکەی ئێرانی لە هێرشەکانی ئیسرائیل لەڕێگەی هێرشی ئاسمانی و بۆمبی چێندراو لەڕێگەی بریکارەکانی مۆسادەوە کوژراون.

بە پێی بڵاوکراوەکانی سوپای ئیسرائیل ناوی نۆ زانا لە کۆی 14 زانا ئەتۆمییەکانی ئێران کە کوژراون بریتین لەم ناوانە:

- فەرەیدوون عەباسی، شارەزا لە ئەندازیاریی ئەتۆمی

- محەممەد مەهدی تارانچی، شارەزای بواری فیزیا

- ئەکبەر موتەلیب زادە، شارەزا لە ئەندازیاریی کیمیایی

- سەعید بێرجی، شارەزا لە ئەندازیاریی ماددە

- ئەمیر حەسەن فەخاحی، شارەزای بواری فیزیا

- عەبدولحەمید مینوشەهر، شارەزا لە فیزیای ریاکتۆر

- مەنسوور عەسکەری، شارەزا لە بواری فیزیا

- ئەحمەد رەزا زولفەقاری دەریانی، شارەزا لە ئەندازیاریی ئەتۆمی

- عەلی باخویی کاتریمی، شارەزا لە میکانیک