جەنگی ئیسرائیل و ئێران؛ دوایین زانیارییەکان

ئاڤا نیوز

جەنگی نێوان ئیسرائیل و ئێران بەردەوامە، بۆردوومانەکانی هەردوولا بۆسەر یەکتر چڕتر دەبێتەوە، بەپێی میدیای ئێرانی، دەوروبەری فڕۆکەخانەی کەرەج بۆردوومان کرا.

وێنە گەورەکە: جەنگی نێوان ئیسرائیل و ئێران پێی نایە ڕۆژی شەشەمی، وڵاتانی جیهان لە هەوڵی هێوردکردنەوەی بارودۆخەکەن و دەیانەوێت هەردوولا کۆتایی بەو جەنگە بێنن و ئێران بێتەوە سەر مێزی گفتووگۆ، بەڵام جەنگەکە تا دێت فراوانتر دەبێت، هەردوو وڵات چەندین پێگە و بنکەی سەربازی و دامەزراوەی گرنگی یەکتریان لەناو بردووە.

ئەوەی ئێستا ڕوودەدات: دوایین زانیارییەکانی جەنگەکە ئەمانەن:

٠ میدیای ئێران دەڵێت، دەنگی چەند تەقینەوەیەک لە ڕۆژهەڵاتی تاران بیستران و بڕێکی زۆر ماددەی تەقینەوە، درۆنی بچووک، چەک و ئامێری کۆنترۆڵی دوور دەستیان بەسەردا گیرا.

٠ ئیسرائیل ڕایگەیاند، ئێران بەشی دروستکردنی نۆ بۆمب، ئەتۆمی بەرهەمهێناوە و لە بەئامانجگرتنی وردی دامەزراوە ئەتۆمی و مووشەکە بالیستییەکانی ئەو وڵاتە بەردەوام دەبین.

٠ وەزیری بەرگریی ئیسرائیل: فڕۆکە جەنگییەکان ئێستا بارەگای ئاسایشی ناوخۆی ئێرانیان بۆردوومان کرد و لەناوبرا.

٠ میدیاکانی ئێران: هێرشی نوێی ئیسرائیل بۆ سەر ڕۆژهەڵاتی تاران دەستیپێکرد و شاری زەنجانی لە باکووری ئێران کردە ئامانج، سیستمی بەرگریی لە ئاسمانی تاران چالاک کرا.

کاردانەوە نێودەوڵەتییەکان: 

٠ ڕووسیا: لە کارەسات زۆر نزیکین، چونکە ڕۆژانە ژێرخانی چەکی ئەتۆمی بە ئامانج دەگیرێت.

٠ وەزارەتی بەرگریی ئەڵمانیا: بە ئێرانمان گوتووە هێشتا کات ماوە بۆ دانیشتن لەسەر مێزی دانوستان.

٠ وەزیری دەرەوەی ئەڵمانیا: پەرەسەندنی سەربازی لە ڕۆژهەڵاتی ناوەڕاست هەڕەشەیە بۆ ڕاکێشانی وڵاتانی دیکە بۆ نێو ململانێکان.

٠ ئەردۆغان: بۆ هەموو جۆرە سیناریۆیەک ئامادەین و ئەو وەڵامە دەدەینە هێرشبەر کە شایەنییەتی.

٠ وەزارەتی دەرەوەی ڕووسیا: مۆسکۆ و واشنتن لە پەیوەندی بەردەوام دان سەبارەت بە گرژییەکانی ڕۆژهەڵاتی ناوەڕاست.

٠ ڕاگەیێنراوی یەکێتی ئەوروپا و بەریتانیا: ئامادەین نێوەندگێڕیی بۆ چارەسەرکردنی کێشەکە بکەین و پێویستە دەستبەجێ ئێران بگەڕێتەوە دانوستانەکان.

٠ ماڵپەڕی"جیویش ئینسایدەر": 45 ئەندامی هەردوو حیزب لە ئەنجوومەنی نوێنەرانی ئەمریکی داوایان لە ترەمپ و ڕۆبیۆ کردووە ئەمریکییەکان لە ئیسرائیل بگەڕێننەوە.





نوێ دەکرێتەوە .....