ئەردۆغان: ئامادەین بۆ هەموو جۆرە سیناریۆیەک و وەڵامی هەر هێرشێک پڕ بە پێستی خۆی دەدەینەوە

ئاڤا نیوز

ڕەجەب تەیب ئەردۆغان، سەرۆککۆماری تورکیا دەڵێت. لە نزیکەوە چاودێری هێرشەکانی ئیسرائیل بۆ سەر ئێران دەکەن، بە هەموو دڵسۆزییەکەوە هەوڵی ئاشتی دەدەن، بەڵام لە ئەگەری هەر هێرشێک بۆ سەریان، ئەو وەڵامە دەدەنە هێرشبەرەکە کە شایەنیەتی.

وێنە گەورەکە: کاردانەوە ناوچەیی و نێودەوڵەتییەکان بۆ وەستانی جەنگی نێوان ئیسرائیل و ئێران بەردەوامن، تورکیا یەکێک لەو وڵاتانەیە بەردەوام لە هەوڵی ئەوەیە کۆتایی بەو جەنگە بێت.

لێدوانی فەرمی: ڕەجەب تەیب ئەردۆغان، سەرۆککۆماری تورکیا ڕایگەیاند، ئێمە بە هەموو شێوەیەک هەوڵ دەدەین جەنگەکە بوەستێت، بەڵام ئەگەر هەر جۆرە هێرشێک ڕووبەڕووی تورکیا بکرێتەوە، بەو شێوەیەی شایەنییەتی وەڵامی دەدەینەوە. 

زانیاریی زیاتر: سەرۆککۆماری تورکیا پێیوایە ئێران بەتەواوی مافی خۆیەتی کە بەرگری لە خۆی بکات. وتیشی، ئیسرائیل هێرشی کردە سەر غەززە، لوبنان، سووریا، یەمەن، وەک ئەوەی بەس نەبێت، هێرشی کردە سەر ئێرانیش، بەمەش کۆمەڵکوژییەکەی فراوانتر کرد.

ئەردۆغان ئەمانەشی وت:

٠ لە 13ـی حوزەیرانەوە، هەوڵە دیپلۆماسییەکانمان بۆ وەستاندنی جەنگەکە بەردەوامە، دوو جار لەگەڵ ترەمپ و دوو جاریش لەگەڵ پزیشکییان قسەم کردووە. لەگەڵ پوتینس بە قولی قسەمان لەسەر پرسەکە کردووە.

٠ بۆ بێدەنگ بوونی دەنگی فیشەک و مووشەکەکان، چیمان لەدەست بێت دەیکەین.