عێراق داوای کۆبوونەوەی بەپەلەی وەزیرانی دەرەوەی عەرەب دەکات

ئاڤا نیوز

وەزارەتی دەرەوەی عێراق داوای بەستنی کۆبوونەوەیەکی بەپەلەی وەزیرانی دەرەوەی وڵاتانی عەرەبی دەکات بەرامبەر بە پێشهاتە خێراکانی ناوچەکە.

 

وێنە گەورەکە: شەڕی مووشەکی نێوان ئیسرائیل و ئێران پێی نایە ڕۆژی شەشەم و تاوەکو دێت شەڕەکە پەرسەندنی زیاتر بەخۆیەوە دەبینێت و عێراقیش لەو نێوەندەدا دەیەوێت بێلایەن بمێنێتەوە و دۆخەکە بەرەو ئاسایبوونەوە بچێت. 

 

ڕاگەیێنراوی فەرمی: بەگوێرەی ڕاگەیێنراوی وەزارەتی دەرەوەی عێراق، عێراق داوای کردووە لە پەراوێزی کۆبوونەوەی ڕێکخراوی هاریکاریی ئیسلامی کە بڕیارە لە سەرەتای هەفتەی داهاتوودا لە شاری ئەستەنبووڵ ببەسترێت، کۆبوونەوەیەکی بەپەلەی وەزیرانی دەرەوەی وڵاتانی عەرەبی بکرێت.

 

هۆکارە زانراوەکان: کۆبوونەوەکە بەمەبەستی هەماهەنگی هەڵوێستە عەرەبییەکان بەرامبەر بە پێشهاتە خێراکان و ڕووبەڕووبوونەوەی ئاڵنگارییەکانی ئێستا بە گیانێکی بەکۆمەڵ و بەرپرسیارانە.