ڕۆژنامەیەکی ئەمریکی: ترەمپ بڕیارە قورسەکەی لەبارەی ئێران دا

ئاڤا نیوز

 

ڕۆژنامەی وۆڵ ستریت جۆرناڵی ئەمریکی بڵاویکردەوە، کە دۆناڵد ترەمپ، ڕەزامەندی دەربڕیوە لەسەر هێرشکردنە سەر ئێران.

 

وێنە گەورەکە: جەنگی ئیسرائیل و ئێران بەردەوامە و ئەمریکاش هۆشداری بە ئێران دەدات کە بەبێ مەرج بگەڕێتەوە سەر مێزی گفتووگۆ و کۆتایی بەم جەنگە بهێنێت. 

 

زانیاریی بەدەستهاتوو: ڕۆژنامەی وۆڵ ستریت جۆرناڵی ئەمریکا بڵاویکردەوە، کە دۆناڵد ترەمپ، سەرۆکی ئەمریکا ڕەزامەندی خۆی لەسەر پلانی هێرشکردنە سەر ئێران داوە و ئەمەشی بە یاریدەدەرەکانی ڕاگەیاندووە، بەڵام هێشتا بڕیاری جێبەجێکردن و دەستپێکردنی هێرشەکانی نەداوە.

 

لەلایەکی دیکە: ترەمپ لەبارەی دانوستاندنەکانی ڕێککەوتنی ئەتۆمی- کە لەنێوان وڵاتەکەی و ئێران بەڕێوەچوون پێش هێرشەکردنە سەر تاران لەلایەن ئیسرائیلەوە- گوتی، ئەگەری ڕێککەوتنێک هەبوو و لەوەوە نزیک بووین، بەڵام ئەوە جێگەی شەرمە کە نەکرا، لەوانەشە ئەوە ڕووبداتەوە، ئەوان ویستوویانە بێن و من ببینن لە کۆشکی سپی، ئەوە شتێکی گەورەیە، بەڵام زۆر درەنگە.