پەیامی نوێی پووتین لەبارەی جەنگی ئێران و ئیسرائیل

ئاڤا نیوز

 

سەرۆکی ڕووسیا ڕایگەیاند، ئێران داوای لە ئێمە نەکردووە تاوەکو هاوکاریی سەربازییان پێشکەش بکەین.

 

چیرۆکی سەرەکی: جەنگی ئیسرائیل و ئێران پێیناوەتە ڕۆژی حەوتەمییەوە و کاریگەری و لێکەوتەکانی ئەو جەنگەش تادێت فراوانتر دەبن، وڵاتانی جیهانیش هەڵوێستی جیاوازیان لەبارەوە هەیە.

 

لێدوانی فەرمی: ڤلادیمێر پووتین، سەرۆکی ڕووسیا ڕایگەیاند، ئێران داوای لە ئێمە نەکردووە تاوەکو هاوکاریی سەربازییان پێشکەش بکەین. دەشڵێت، ئێمە پێشتر پێشنیازی ئەوەمان بۆ تاران کرد تاوەکو کار لەسەر سیستمی بەرگریی ئاسمانی خۆیان بکەن، بەڵام زۆر بەلایانەوە گرنگ نەبوو.

 

٠ لە بەشێکی دیکەی قسەکانیدا سەرۆکی ڕووسیا باس لەوە دەکات: لەگەڵ ئیسرائیل ڕیكکەوتین ژیانی 200 زانای ئەتۆمی ڕووسی کە لە بنکەی ئەتۆمی بوشەهری ئێرانی کاردەکەن پارێزراوبن.

٠ دەبێت زۆر بە وریاییەوە مامەڵە لەگەڵ دۆخی ئێستای ڕۆژهەڵاتی ناوەڕاست بکرێت.