سەرۆک بارزانی و شاندی چوارچێوەی هەماهەنگی کۆبوونەوە

ئاڤا نیوز

سەرۆک بارزانی لە پیرمام لەگەڵ شاندێکی چوارچێوەی هەماهەنگی بە سەرۆکایەتی محەممەد شیاع سوودانی لەبارەی پرسی سەرۆککۆماری عێراق و گرژیی و ئاڵۆزییەکانی ناوچەکە کۆبووەوە. 

چیرۆکی سەرەکی: ئەمڕۆ شاندێکی چوارچێوەی هەماهەنگی بە سەرۆکایەتی محەممەد شیاع سوودانی سەرۆکوەزیرانی عێراق، بەمەبەستی گفتوگۆکردن لەبارەی پۆستی سەرۆککۆمار گەیشتە هەولێر، شاندەکە لە ئەمینداریی گشتی ڕێکخراوی بەدر، هادی عامری و سەرۆکی هاوپەیمانی ئەساس، موحسین مەندەلاوی و ئەمینداری گشتی چوارچێوەکە، عەباس ڕازی پێکهاتبوون.

زانیاریی زیاتر: لە کۆبوونەوەکەدا تاوتوێی شایستە دەستوورییەکانی هەرێمی کوردستان کرا، دواتر تاوتوێی پرسی سەرۆککۆمار و بەردەوامبوون لە تەواوکردنی هەنگاوەکانی پێکهێنانی حکومەت بەپێی ئەنجامی هەڵبژاردنەکانی ئەنجوومەنی نوێنەران کرا.

هاوکات باس لە دوایین پێشهاتەکانی ئێستای ناوچەکە و دۆخی سووریا و ناوچەکەش کرایەوە، جەخت لە گرنگی یەکخستنی گوتاری سیاسی نیشتیمانیی عێراقی کرایەوە سەبارەت بەو گۆڕانکاری و ڕووداوانە.