سوپای پاسداران: ناوەندی هەواڵگریی ئیسرائیلمان کردە ئامانج

ئاڤا نیوز

سوپای پاسدارانی ئێران دەڵێ ئەمڕۆ ناوەندی فەرماندەیی و هەواڵگریی سوپای ئیسرائیلی لە نزیک نەخۆشخانەیەک کردووەتە ئامانج.

ڕاگەیەنراوی فەرمی: سوپای پاسداران ئەمڕۆ رایگەیاند، شەپۆلی 14ـەیەمینی ئۆپەراسیۆنی 'پەیمانی راستی3' بە هێرشێکی هاوکات و بە بەکارهێنانی فڕۆکەی بێفڕۆکەوانی خۆکوژ و مووشەکی ستراتیژی دەستیپێکرد. 

درێژە و وردەکاریی راگەیەندراوەکە: - سوپای پاسداران هەروەها دەڵێ، لەم ئۆپەراسیۆنەدا ناوەندی فەرماندەیی و هەواڵگریی سوپای ئیسرائیل، کە لە نزیک یەکێک لە نەخۆشخانەکانەوەیە، بە وردییەکی بێوێنە کرایە ئامانج. ئێستا توانای هەواڵگری و دیاریکردنی ئامانجەکانی هێزە چەکدارەکانی کۆماری ئیسلامیی ئێران لەبەرچاوی جیهانە. 

- تەواوی ناوچەکانی فەڵەستین بوونەتە سەربازگە و لە دۆخێکی نائومێد و ترسناکدان. تەواوی ناوەندە سەربازییەکانیش چۆڵکراون و سوپای ئیسرائیل سیستمە مووشەکی و بەرگرییە ناکاراکانی لە ناوەندی شارەکاندا بڵاوکردووەتەوە و شوێنە گشتییەکانی داپۆشیوە.

سوپای پاسداران دەڵێ "پێشتر هۆشداریمان دابوو؛ تەواوی ئاسمانی ئیسرائیل بێ بەرگری دەبێت و هیچ شوێنێکی ئارام نامێنێت."