عێراق داوایەک ئاراستەی هاووڵاتییانی وڵەتەکەی لە ئێران دەکات

ئاڤا نیوز

لەپێناو پاراستنی ژیانیان، عێراق داوا لەهاووڵاتییانی وڵاتەکەی کە نیشتەجێی ئێرانە دەکات خۆیان لەو ناوچانەی هەڕەشەی سەربازی لەسەرە بەدوور بگرن.

وێنە گەورەکە: هێرشی مووشەکی نێوان ئیسرائیل و ئێران پێی نایە هەفتەیەک، تادێت پەرەسەندنی زیاتر بەخۆیەوە دەبینێت و کاریگەریی لەسەر ناوچەکە بە گشتی دروست کردووە.

ڕاگەیێنراوی فەرمی: وەزارەتی دەرەوەی عێراق داوا لە سەرجەم هاووڵاتییانی عێراق کە نیشتەجێی تاران و پارێزگاکانی دیکەی ئێرانن، بەو پەڕی وریاییەوە خۆیان لەو ناوچانەی مەترسی هێرشی ئیسرائیلی لەسەرە بەدوور بگرن.

وەزارەتەکە داواش دەکات، بۆ ئەوەی لە هەر بارێکی نائاسایی پارێزراوبن،  پابەندی ئەو ڕێنماییانە بن کە لەلایەن بەرپرسانی فەرمییەوە دەرچووە و لە کاتی پێویست یان لە بارودۆخی نائاساییدا پەیوەندی بە باڵیۆزخانەی عێراق لە تاران و کونسوڵخانەکانی عێراق لە شارەکانی دیکە بکەن.