موحسین ڕەزایی: ماددە پیتێنراوەکانی یۆرانیۆمان گواستووەتەوە شوێنێکی سەلامەت

ئاڤا نیوز

 

فەرماندەیەکی پشووی سوپای پاسداران باس لەوەدەکات، ئێران چەند مانگێک بەر لە ئێستا ئاگاداریی هێرشەکەی ئیسرائیل بووە، هەر بۆیە ماددەی پیتێنراوەکانی یۆرانیۆیان گواستووەتەوە بۆ شوێنێکی سەلامەت. 

چیرۆکی سەرەکی: بەرەبەیانی ڕۆژی هەینی 13-6-2025، جەنگی نێوان ئیسرائیل و ئێران هەڵگیرسا کە تاوەکو ئێستا دەیان پێگەی ستراتیژی سەربازی و بنکە ئەتۆمییەکانی یەکتریان بۆردوومان کردووە و هیچ ئاماژەیەکیش بۆ دامرکاندنەوەی ئاگری ئەم جەنگە نییە.

لێدوانی فەرمی: موحسین ڕەزایی، فەرماندەی پێشووی سوپای پاسدارانی ئێران ڕایگەیاند: چەند مانگێک بەر لە ئێستا ئاگاداریی ئەوەبووین کە ئیسرائیل هێرش دەکات، ئەو ئاگاداربوونەشمان وایکرد توانا مووشەکییەکانمان بەرزبکەینەوە. 

 

لە درێژەی قسەکانیدا ڕایگەیاند: تا ئێستا زۆر بە باشی وەڵامی هێرشەکانی ئیسرائیلمان داوەتەوە بەڵام هێشتا وەڵامی قورستریان پێ نەگەیشتووە، بە ئێمەیان دەگوت وەرنە سەر مێزی گفتوگۆ بۆ دانوستان با جەنگ دروست نەبێت، کەچی هێرش دەکرێتە سەرمان. 

ئێمە ئاگاداری ئەوەین کە ئیسرائیل دوای لە ئەمریکا کردووە کە هاوکارییان بکات لە هێرشکردنە سەر ئێران. 

لە بەشێکی دیکەی قسەکانیدا دەربارەی بەرنامە ئەتۆمییەکانی ئێران ڕایگەیاند: ئیسرائیل هاتووە بنکەی ئەتۆمی ناتەنز و خونداب و ئەراک بۆردوومان بکات، هەر بۆیە تەواوی ماددەی پیتێنراوەکانی یۆرانیۆمان گواستووەتەوە بۆ ناوچەیەکی ئارام.

ئێران تەنیا 5%ی تواناکانی بەرامبەر ئیسرائیل بەکارهێناوە و بەدڵنیاییەوە بە دەستی پڕەوە لەم شەڕە دێینە دەرەوە.