عێراقچی: ئەمریکا و ئیسرائیل دیپلۆماسییەتیان هەڵوەشاندەوە

ئاڤا نیوز

 

وەزیری دەرەوەی ئێران لە نوێترین لێدوانیدا ئاشكرای دەکات، ئەمریکا و ئیسرائیل دیپلۆماسییەتیان هەڵوەشاندەوە.

 

 چیرۆکی سەرەکی: هەفتەی دووەمی جەنگی نێوان ئێران و ئیسرائیلەوە و ئالۆزییەکان بە هێرشی ئەمریکا بۆ سەر دامەزراوەی ئەتۆمییەکانی ئێران ڕووی لە زیادبوون کردووە، لەبەرامبەردا ئێران پێداگرە لەسەر وەڵامدانەوەیەکی بە‌هێز بۆ تەواوی ‌هێرشەکان.

 

لێداونی فەرمی: عەباس عێراقچی، وەزیری دەرەوەی ئێران ڕایگەیاند، هەفتەی ڕابردوو ئێمە لە دانوستان دابووین کاتێک ئیسرائیل بڕیاریدا، ئەو دیپلۆماسییەتە هەڵبوەشێنێتەوە.

 

-هاوکات لە درێژەی نووسراوەکەدا عێراقچی پەیامێک بۆ بەریتانیا و ئەوروپا دەنێرێت و دەڵێت، ئەوە ئێرانە کە دەبێت بگەڕێتەوە سەر مێز و دانووستان بکات، بەڵام چۆن تاران دەگەڕێتەوە بۆ شتێک کە هەرگیز جێنەهێشتووە''.

 

باکگراوند: لە دەیەم ڕۆژی جەنگی نێوان ئێران و ئیسرائیل، بەرەبەیانی ئەمڕۆ یەکشەممە 22-6-2025 هێزی ئاسمانی ئەمریکا هەرسێ دامەزراوەی ئەتۆمی فۆردۆ و نەتەنز و ئەسفەهانی بە شەش بۆمبی GBU-57  چەندین جۆر مووشەکی دیکە، پێگە ئەتۆمییەکانی ئێرانی بۆردوومان کرد