وەزیری بەگریی عێراق: توانای سەربازیمان بەرامبەر هەڕەشە دەرەكی و ناوخۆییەكان زۆر بەرزە

ئاڤا نیوز

وەزیری بەرگریی عێراق ڕایدەگەیەنێت، عێراق توانای سەربازیی ئەوتۆی هەیە كە توانای پاراستنی وڵاتی هەیە لە دژی هەر هەڕەشەیەكی دەرەكی و ناوخۆیی.

وێنە گەورەكە: ماوەی 10 ڕۆژە جەنگ بەرۆكی ناوچەكەی گرتووە، لەگەڵ هێرشە ئاسمانییەكانی ئەمریكا بۆ سەر دامەزراوە ئەتۆمییەكانی ئێران، مەترسی فراوانبوونی جەنگەكە و تێوەگلانی عێراق لە ئارادایە، بەتایبەت كە ژمارەیەك گرووپ و میلیشیای عێراقی كە لەلایەن ئێرانەوە پشتیوانی دەكرێن، بە ڕاستەوخۆ دژی ئەمریكا و ئیسرائیل و بەرژەوەندیی ئەو دوو وڵاتە دەوەستنەوە.

لێدوانی فەرمی: سابت عەباسی، وەزیری بەرگریی عێراق، لە پێگەی فەرمیی وەزارەتی بەرگریی عێراق بڵاویكردووەتەوە، كە سوپای عێراق توانا سەربازییەكەی لە ئاستێكی بەرزدایە و سیستمێكی پێشكەوتووی هەیە كە دەتوانێت خاكی وڵات لەهەر جۆرە هەڕەشەیەكی دەرەكی و ناوخۆیی بپارێزێت.

زانیاریی زیاتر: وەزیری بەرگریی عێراق ڕوونیشی كردەوە، پلانێكی تۆكمە داڕێژراوە بۆ بەرگریكردن لە وڵات، هاوكات بە وردی چاودێری پێشهاتە ئیقلیمییەكان دەكەین و مامەڵەش لەگەڵ هەر جۆرە هەڕەشە و گوشارێك دەكەن كە ڕووبەڕووی عێراق دەكرێتەوە.