ترەمپ لەبارەی هێرشی ئێران سەرپەرشتیی کۆبوونەوەیەکی بەپەلە دەکات

ئاڤا نیوز

ئێران هێرشی بۆ سەر بنکە سەربازییەکانی ئەمریکا لە کەنداو دەستپێکردووە و  دۆناڵد ترەمیش سەرپەرشتی کۆبوونەوەیەکی بەپەلە دەکات. 

 

چیرۆکی سەرەکی: ئێوارەی ئەمڕۆ دووشەممە، سوپای پاسدارانی ڕایگەیاند، بە شەش مووشەکی بالیستی هێرشمان کردووەتە سەر بنکەی عەدید لە دەوحەی پایتەختی قەتەر، ئێران ئەم هێرشەی ناوناوە موژدەی فەتح. 

زانیاریی بەدەستهاتوو: دۆناڵد ترەمپ، سەرۆکی ئەمریکا سەرپەرشتی کۆبوونەوەیەکی تایبەت دەکات بە هێرشی تۆڵەسەندنەوەی ئێران بۆ سەر بەرژوەندییەکانی ئەمریکا لە ڕۆژهەڵاتی ناوەڕاست و کەنداو. 

 

لەلایەکی دیکەوە: میدیاکانی ئەمریکا بڵاویان کردووەتەوە: ئێستا وەزیری بەرگریی و فەرماندەی هێزە ئاسمانییەکانی ئەمریکا لەسەر دوای ترەمپ گەڕاونەتەوە کۆشکی سپی و بەشداریی لەو کۆبوونەوە تایبەتە دەکەن کە بۆ هەڵسەنگاندنی دۆخی ئێستا سازکراوە.

ئەمەش بزانە: دوو بەرپرسی کۆشکی سپی بە میدیای ئەمریکایان ڕاگەیاندووە، ترەمپ چاودێری دۆخی ئێستای کەنداو و هێرشەکانی ئێران بۆ سەر بنکەی عەدید دەکات. 

٠ پنتاگۆن لە نوێترین بڵاوکراوەیدا ڕایگەیاندووە، هیچ ڕاپۆرتێکمان لەبارەی زیانە گیانییەکانمان لەبەردەست نییە و لە نزیکەوە چاودێری دۆخەکە دەکەین.