ئیسرائیل هێرشی بۆ سەر تاران دەستپێکردەوە و دەنگی تەقینەوەی گەورە دەبیسترێت

ئاڤا نیوز

لەگەڵ دەستپێکردنی هێرشی تۆڵەی ئێران بۆ سەر بنکە سەربازییەکانی ئەمریکا لە کەنداو، ئیسرائیل دەستی بە هێرشەکانی بۆ سەر تارانی پایتەختی ئێران دەستپێکردووە.

وێنە گەورەکە: 11 ڕۆژە جەنگی ئیسرائیل و ئێران هەڵگیرساوە، ئیسرائیل ڕایگەیاند هیچ کاتێک وەکو ئەمڕۆ هێرشی زۆر و سەختی نەکردووەتە سەر ئێران و تەنها ئەمڕۆ 100  ئامانجی پێکاوە. بەهۆی هێرشکردنە سەر بنکە سەربازییەکانی ئەمریکاش لەلایەن ئێران، دۆخی ڕۆژهەڵاتی ناوەڕاست ناجێگیرە و مەترسی هەیە جەنگێکی هەرێمی لێ بکەوێتەوە.

ئەوەی ئێستا ڕوودەدات: نزیکەی کاتژمێر 08:30 خولەکی ئەمشەو دەنگی دوو تەقینەوەی بەهێز لە تاران بیسترا.

ڕاگەیێنراوی فەرمی: سوپای ئیسرائیل ڕایگەیاند: فڕۆکە جەنگییەکانمان ئێستا لە ئاسمانی ئێران و چەند پێگەیەک لە تارانی پایتەختی ئەو وڵاتە بۆردوومان دەکەن. 

 

لەلایەکی دیکەوە: بەرپرسێکی سەربازی سوپای بە ئاژانسی ڕۆیتەرزی ڕاگەیاندووە: هێرشەکانمان بۆ بنکە سەربازی و ناوەندەکانی بەرژەوەندییەکانی ئەو وڵاتە بەردەوام دەبن.