ئێران پرسە بۆ فەرماندە باڵا و زانا کوژراوەکانی دادەنێت

ئاڤا نیوز

لە میانەی جەنگی 12 ڕۆژەی نێوان ئێران و ئیسرائیل ژمارەیەک فەرماندەی باڵا و زانای ئەتۆمی ئێران لەلایەن ئیسرائیلەوە بەئامانج گیران، تارانیش ڕێوەرەسمێک بۆ پرسەکەیان دادەنێت.

 

وێنە گەورەکە: 13-6-2025 ئیسرائیل بە 200 فڕۆکەی جەنگی هێرشی کرد سەر چەندین دامەزراوە و پێگەی سەربازی سوپای پاسدارانی ئێران، جەنگەکەی نێوان هەردوولا 12 ڕۆژی خایەند و بەهۆیەوە 30 فەرماندەی باڵای ئەو وڵاتە و 18 زانای بواری ئەتۆمی لەلایەن ئیسرائیلەوە کوژراون.

 

بڵاوکراوەی فەرمی: میدیای فەرمی ئێران ڕایگەیاند، ''دوای ئاگربەستی نێوان تاران و تەلئەبیب، ڕۆژی شەممە ڕێوڕەسمی پرسە بۆ فەرماندە باڵا سەربازییەکان و زانایانی باڵا کە لە شەڕی 12 ڕۆژەی وڵاتەکە لەگەڵ ئیسرائیل کوژراون بەڕێوەدەچێت''.

 

زانیاریی زیاتر: حوسێن سەلامی فەرماندەی، گشتیی سوپای پاسداران کە لە یەکەم ڕۆژی شەڕدا کوژرا، ڕۆژی پێنجشەممە بەخاک دەسپێردرێت.

 

باکگراوند: دوای دوانزە ڕۆژ لە جەنگی نێوان ئیسرائیل و ئێران، بەرەبەیانی ڕۆژی سێشەممە 24-6-2025، دۆناڵد ترەمپ، سەرۆکی ئەمریکا ئاشکرای کرد هەدوو وڵات لەسەر ئاگربەست ڕازی بوون و لەکاتژمێر حەوتی بەیانی ڕۆژی سێشەممەوە کەوتە بواری جێبەجێکردنەوە.