جەنگی 12 ڕۆژەی ئێران و ئیسرائیل وەزیرانی بەرگریی ڕووسیا و ئێران لە چین کۆدەکاتەوە

ئاڤا نیوز

 

چین میوانداریی وەزیرانی بەرگریی ئێران و ڕووسیا دەکات بۆ تاوتوێکردنی جەنگی ئێران و ئیسرائیل.

 

ئەوەی پێویستە بیزانیت: چین ئەمڕۆ پێنجشەممە میوانداری وەزیرانی بەرگریی ئێران و ڕووسیا دەکات بۆ ئەنجامدانی کۆبوونەوەیەک کە تیایدا جەنگی ئەم دواییەی ئیسرائیل و ئێران و هێرشەکەی ئەمریکا بۆ سەر بنکە ئەتۆمییەکانی ئێران تاوتوێ دەکرێت.

 

لێدوانی فەرمی: وەزارەتی بەرگریی ڕووسیا دەڵێت،  دۆخی سەربازی و سیاسی ئێستای جیهان بە سەختی ماوەتەوە و خەریکە بەرەو خراپبوون دەچێت.

 

لەلایەکی دیکە: لەماوەی جەنگی نێوان ئێران و ئیسرائیل، عەباس عێراقچی، وەزیری دەرەوەی ئێران سەردانی مۆسکۆی کرد و لەگەڵ ڤلادیمێر پووتین، سەرۆکی ڕووسیا کۆبووەیەوە، ئەمڕۆش وەزیرانی بەرگریی هەردوو وڵات لە چین کۆدەبنەوە.