فەرەنسا: ڕێگرییمان لە فڕۆکە بێفڕۆکەوانەکانی ئێران بۆ سەر ئیسرائیل کردووە

ئاڤا نیوز

فەرەنسا ڕایگەیاند کە سیستمی بەرگریی ئاسمانییان، ڕێگریی لەو فڕۆکە بێفڕۆکەوانە کردووە کە لە ئێرانەوە ئاراستەی ئیسرائیل کرابوو.

وێنە گەورەکە: لەماوەی 12 ڕۆژی جەنگ، بەهۆی بۆردوومانەکانی ئێران بۆ سەر ئیسرائیل، بەشێک لە وڵاتان بە شێوەی ناڕاستەوخۆ هاوکاری ئیسرائیلیان کرد، یەکێک لەو وڵاتانە فەرەنسا بوو کە ڕێگری لە فڕۆکەی بێفڕۆکەوانی ئێرانی کردبوو بۆ سەر ئیسرائیل.

ڕاگەیێنراوی فەرمی: باڵیۆزخانەی فەڕەنسا لە تەلئەبیب لە ڕاگەیێندراوێکدا ئاماژەی بەوەداوە، سیستەمی بەرگریی ئاسمانیی فەرەنسا، ڕێگریی لەو فڕۆکە بێفڕۆکەوانە کردووە کە لە ئێرانەوە ئاراستەی ئیسرائیل دەکران، بەڵام ھێزەکانمان بەشدارییان لەو ھێرشانە نەکردووە کە لەلایەن ئیسرائیلەوە کراونەتە سەر ئێران.