سوودانی بۆ دەستەی ڕاگەیاندن: سەرچاوەی ڕق و درووشمی تایفەگەری بنبڕکەن

ئاڤا نیوز

سەرۆکوەزیرانی عێراق، داوا لە دەستەی ڕاگەیاندن و پەیوەندییەکان دەکات، بەدواداچوون بۆ سەرچاوەی قسەی زبر و نەشیاو و دروشمی تایفەگەری بکەن.

چیرۆکی سەرەکی: ڕۆژی پێنجشەممە، 2025-06-26، سەرۆکوەزیرانی عێراق لەگەڵ سەرۆک و ئەندامانی دەستەی ڕاگەیاندن و پەیوەندییەکانی عێراق کۆبووەوە و جەختیان لە ڕێگری لە قسەی زبر و هاندانی تایفەگەری کردەوە.

ڕاگەیێنراوی فەرمی: لە ڕاگەیێندراوێکدا نووسینگەی سەرۆکوەزیرانی عێراق بڵاویکردووە، سوودانی داوای جێبەجێکردنی پلانێکی ستراتیژی بۆ پەرەپێدانی دیدگایەکی یەکگرتووی ڕاگەیاندن لە قۆناغی داهاتوودا دەکات.

زانیاریی زیاتر: سەرۆکوەزیرانی عێراق  جەختی لە پێشخستنی بوارەکانی تەکنەلۆژیای زانیاری، گۆڕینی دیجیتاڵی، زیرەکی دەستکرد، ئاسایشی ئەلیکترۆنی، پەیوەندییەکان، و میدیا کرد بە جۆرێک لەگەڵ سیستمی سەرکەوتووی نێودەوڵەتی  گونجاو بێت.

داوای چاودێری چڕی بەسەر سەرچاوەکانی قسەی زبر و نەشیاو و هاندانی تایفەگەری و هەموو ئەو پرسانەی کە زیان بە ئاسایشی نیشتمانی و دامەزراوەکانی دەوڵەت دەگەیەنێت کرد.