ئەڵمانیا: ڕووسیا هەڕەشەیە بۆ سەر ئازادیی وڵاتەکەمان

ئاڤا نیوز

وەزیری دەرەوەی ئەڵمانیا هۆشداری لە مەترسی و هەڕەشەی ڕووسیا لەسەر وڵاتەکەی دەدات و هاوکات درێژەپێدانی جەنگی ئۆکراینا و ڕووسیا بە هەڕەشەیەکی گەورە بۆ سەر ئەورووپا دادەنێت.

 

لێدوانی فەرمی: یۆهان ڤادیفول، وەزیری دەرەوەی ئەڵمانیا لە لێدوانێکیدا بۆ میدیاکان، هۆشداری دا لە بەکەم تەماشاکردنی مەترسیی ڕووسیا بۆ سەر ئەڵـمانیا و ڕایگەیاند: ڕووسیا بە شێوەیەکی ڕاستەوخۆ مەترسی لەسەر ئاشتی و ئازادی ئەڵمانیا دروست دەکات، جەنگی ڕووسیا و ئۆکراینا گەورەترین مەترسیە لەسەر ئاسایشی ئەورووپا و دۆسیەی سەرەکی وەزارەتی دەرەوەی ئەڵمانیایە.

زانیاریی زیاتر: وەزیری دەرەوەی ئەڵـمانیا جەختی کردەوە لەسەر پێویستی گرتنەبەری ڕێکاری بەرگری و بڕیاری ناتۆ بۆ زیادکردنی تێچووی بەرگری بۆ 5% و ئەوەی بە هەنگاوێکی دروست و پێویست ناوبرد.