پچڕانی ئینتەرنێت دەستیی ئێرانی لە بەریتانیا کەشف کرد

ئاڤا نیوز

گۆڤاری بەرگریی بەریتانیا، یووکەی دیفێنس جۆرناڵ، ڕاپۆرتێكی بڵاوکردووەتەوە و تیایدا ئاماژە بەو دەکات کە لەگەڵ سنووردارکردن و پچڕانی ئینتەرنێت لە ئێران بە هۆی شەڕی ئیسرائیلەوە، دەیان ئەکاونتی سۆشیاڵ میدیاش لە بەریتانیا لە کار وەستان.

 

چیرۆکی سەرەکی: یووکەی دیفێنس جۆرناڵ: دەنووسێت دەیان ئەکاونتی ساختە لە تۆڕی کۆمەڵایەتیی ئێکس، توویتەری جاران، بە هۆی شەڕی ئیسرائیل و ئێرانەوە چالاکییان نەماوە و چوونەتە ناو 'دارک وێب'، واتە خەتیان نەماوە و هیچ چالاکییەکیشیان نەبووە.

 

زانیاریی زیاتر: ئەم ئەکاونتانە لە 2021ـەوە زیاتر لە 250 هەزار پۆستیان بۆ پشتیوانیکردن لە سەربەخۆبوون و جیابوونەوەی سکۆتلەندا لە بەریتانیا و ڕەخنەگرتن لە بەریتانیا کردووە و ئێستا دەرکەوتووە کە لەلایەن ئێرانەوە درووست کراون و بەڕێوە براون، چونکە لەو کاتەدا کە لە ئێران خەت نەماوە، ئەمانیش بێدەنگ بوون. 

 

باکگراوند: بەهۆی جەنگی 12 ڕۆژەی نێوان ئیسرائیل و ئێران چەندین چالاکی جیهانی وەستان لەوانە، هاتووچۆی گەشتیاری لە ئاسمانی بەشێک لە ڕۆژهەڵاتی ناوەڕاست و پچڕانی ئینتەرنێت لە سەرتاسەری ئێران.