ترەمپ: ئێران یۆرانیۆمی پیتێنراوی نەگواستووەتەوە

ئاڤا نیوز

لەبارەی گواستنەوەی یۆرانیۆمی پیتێنراوی ئێران  پێش هێرشەکەی ئەمریکا بۆ شوێنکی دیکە، ترەمپ دەڵێت ئەوان نەیانتوانیوە هیچ  یۆرانیۆمێکی پیتێنراو بگوازنەوە.

وێنە گەورەکە: دوای هێرشەکەی ئەمریکا بۆ سەر بنکە ئەتۆمییەکانی ئێران، لەناو بردن و مانەوەی یۆرانیۆمە پیتێنراوەکەی ئێران بووەتە جێی باسی میدیاکانی ئەمریکا و بەرپرسانی ئەو وڵاتەش دڵنیایی دەدەن کە هەموو شتێک لەناو چووە.

لێدوانی فەرمی: دۆناڵد ترەمپ، سەرۆکی ئەمریکا لە چاوپێکەوتنێکی لەگەڵ فۆکس نیوز، ڕاپۆرتە میدیاییەکانی سەبارەت بە ئەگەری گواستنەوەی بڕێک لە یۆرانیۆمی تاران ڕەتکردەوە و ڕایگەیاند، ئەوان هیچیان نەگواستووەتەوە، هاوکات ئەوان نەیاندەزانی کە ئێمە دێین، گواستنەوەی یۆرانیۆمی پیتێنراو بەهۆی قورساییەکەیەوە، مەترسیدارە و لەڕووی لۆجستییەوە ئاڵۆزە.

کاریگەری و لێکەوتەکان: بەرپرسانی ئەمریکا دووپاتی دەکەنەوە، بەهۆی هێرشەکەی ئەمریکا ئێران زیانێکی زۆری بەرکەوتووە و توانا ئەتۆمییەکانی لەدەستداوە، بەڵام  هەندێك لە میدیا ئەمریکییەکان دەڵێن: ئێران یۆرانیۆمی پیتێنراوی گواستوەتەوە شوێنێکی پارێزراو و زیانی بەرنەکەوتووە ، لەبارەی ئەمەشەوە چەندین مشتومڕی جیاواز دروست بووە.

باکگراوند: ڕۆژی 22ـی 6ـی 2025، بە فەرمانی دۆناڵد ترەمپ، هێزی ئاسمانیی ئەمریکا لەڕێگەی فڕۆکەی B2 و بە شەش بۆمبی حەشارگەشکێن و 30 بۆمبی تۆماهۆک هێرشیکردە سەر هەر سێ بنکە ئەتۆمییەکەی نەتەنز، ئیسفەهان و فۆردۆی ئێران.