%70ـی هاووڵاتیانی هەرێمی کوردستان پسوولەی خۆراکیان کردووەتە ئەلیکترۆنی

ئاڤا نیوز

پڕۆسەی پڕکردنەوەی پسوولەی ئەلیکترۆنی خۆراک لەلایەن هاونیشتمانیان بەردەوامە، 70% ناوی خۆیان تۆمارکردووە و لەهەڵەبجە ڕێژەکە لەهەمووی بەرزترە.

وێنە گەورەکە: نزیکەی مانگێکە ئەپڵیکەیشنی پڕکردنەوەی پسوولەی ئەلیکترۆنی خۆراک کارا کراوە، لە سەرجەم ناوچەکانی هەرێمی کوردستان پڕۆسەکە بەردەوامە و ڕۆژانە سەدان کەس ناوی خۆیان تۆماردەکەن.

لێدوانی فەرمی: نەوزاد شێخ کامیل، بەڕێوەبەری گشتیی بارزگانی لە وەزارەتی بازرگانی و پیشەسازیی هەرێمی کوردستان بە ئاڤای گوت، "کۆی گشتیی 70%ـی هاونیشتمانیان ناوی خۆیان تۆمارکردووە، ئەگەر ڕێژەکە بگاتە 95%، بەسەرکەوتنی پڕۆسەکە هەژماری دەکەین، چونکە بەشێکی زۆری ئەوانەی ماون لە دەرەوەی وڵاتن یان هێشتا کارتی نیشتمانیان نوێ نەکردووەتەوە."

ژمارەکان وادەڵێن: 70%ـی هاونیشتمانیان ناوی خۆیان تۆمارکردووە و بەمشێوەیە بەسەر پارێزگاکاندا دابەش دەبن:-

هەولێر 74%

سلێمانی 69%

دهۆک 64%

هەڵەبجە 81%