کارمەندانی باڵیۆزخانەی سویسرا لەڕێگەی وشکانیەوە گەڕانەوە ئێران

ئاڤا نیوز

 

دوای داخستنی بەهۆی جەنگی 12 ڕۆژەی ئێران و ئیسرائیل، ئەمڕۆ یەکشەممە سویسرا باڵیۆزخانەی وڵاتەکەی لە تاران کردەوە.

 

چیڕۆکی سەرەکی: لە سەروبەندی جەنگی 12 ڕۆژەی ئیسرائیل و ئێران، ژمارەیەک وڵات بۆ پاراستنی کارمەندانی خۆیان، باڵیۆزخانەکانیان لە ئێران داخست، ئەمە جگە لەوەی کاتی جەنگەکەشدا بە بەردەوامی ئاگادارینامە و هۆشدارییان دەدایە هاوڵاتییانیان کە سەردانی ئێران نەکەن.

 

لێدوانی فەرمی: وەزارەتی دەرەوەی سویسرا ڕایگەیاند، تیمەکانمان لەڕێگەی وشکانییەوە گەڕانەوە بۆ تاران و وردە وردە باڵیۆزخانەکە دەست بە کارەکانی دەکاتەوە.

 

ئەوەی پێویستە بیزانیت: سویسرا لە 20ـی حوزەیرانەوە باڵیۆزخانەکەی لە تاران داخستبوو.

 

باکگراوند: ئیسرائیل لە 13-6-2025، دەیان پێگەی سەربازی، فەرماندەی باڵا و زانای ئەتۆمی ئێرانی لە ناوخۆی ئەو وڵاتە کردە ئامانج. دواتر و بە چەند ڕۆژێک دوای ئەو هێرشەی ئیسرائیلییەکان، ئەمریکاش هێرشی ئاسمانیی کردە سەر بنکە ئەتۆمییەکانی ئێران و بەگوتەی ترەمپ لەو هێرشەکەدا بنکە ئەتۆمییەکانی نەتەنز، ئیسفەهان و فۆردۆ خاپوور کران.