ڕۆژانە نزیکەی پێنج هەزار تۆن بەرهەمی کشتوکاڵی هەناردەی عێراق دەکرێت

ئاڤا نیوز

دوای کۆبوونەوەی شاندی هەولێر و بەغدا لەسەر ساغکردنەوەی بەرهەمی کشتوکاڵی جووتیارانی هەرێمی کوردستان، کارئاسانی زیاتر کراوە بۆ ئەوەی هیچ گرفتێک بۆ بەرهەمەکان دروست نەکرێت و ڕۆژانە هەزار تۆن بەرهەم لەڕێگەی چوار دەروازەوە هەناردە دەکرێت.

وێنە گەورەکە: کابینەی نۆیەمی حکومەتی هەرێمی کوردستان وەک هۆکارێک بۆ بەهێزکردنی ژێرخانی ئابووریی پەرەی بە سێکتەری کشتوکاڵی لە ناوچەکانی هەرێمی کوردستان داوە، کۆڕبەند و فێستیڤاڵە جیهانییەکانی قۆستووەتەوە بۆ دۆزینەوە بازاڕێک بۆ بەرهەمی جووتیاران و ساغکردنەوەی بەرهەمەکانیان.

لێدوانی فەرمی: ڕزگار حەمەد، ڕاوێژکار لە وەزارەتی کشتوکاڵ و سەرچاوەکانی ئاو بە ئاڤای گوت، "ڕۆژانە نزیکەی پێنج هەزار تۆن بەرهەمی کشتوکاڵی جووتیارانی هەرێمی کوردستان، لەڕێگەی بازگەکانی باوە مەحموود، ناوەران، دارەمان و سەد، هەناردەی پارێزگاکانی ناوەڕاست و خوارووی عێراق دەکرێن."

زانیاریی زیاتر: دیارترین ئەو بەرهەمانەی  هەناردە دەکرێن، تەماتە، خەیار، شووتی، باینجان، کاڵەک، بیبەر و چەند بەرهەمێکی دیکە هەناردە دەکرێن، ئەو بەرهەمانەشی بەپێی ڕۆژ ژمێریی کشتوکاڵی لە دەرەوە هاوردە دەکرێن، تەنیا لە بازگەکانی سەد و باوە مەحموود ڕێگەی هاوردەکردنیان پێدەدرێت.