لایەنە کوردستانییەکانی خانەقین بە قەزابوونی قەرەتەپە ڕەتدەکەنەوە

ئاڤا نیوز

لایەنە کوردستانییەکانی خانەقین، بەمەبەستی هەڵوێستەکردن لەسەر بڕیارێکی ئەنجوومەنی پارێزگای دیالە، سەبارەت بە بەقەزاکردنی ناحیەی قەرەتەپە کۆدەبنەوە.

چیرۆکی سەرەکی: ناحیەی قەرەتەپە، ناوچەیەکی کوردستانییە و سەر بە قەزای خانەقینە، حکومەتی عێراق  ڕەزامەندیی لەسەر بەقەزاکردنی داوە و دەیانەوێت هەردوو ناحیەی کۆکس و  جەبارە کە لەڕووی ئیدارییەوە سەر بە قەزای کفرین، بخرێنە سەر قەرەتەپە.

لێدوانی فەرمی: شێرکۆ میروەیس، لێپسراوی مەڵبەندی یەکێتی لە خانەقین بە ئاڤای گوت، "بەقەزاکردنی قەرەتەپە زوڵمە و بەشێکە لە پلانی گۆڕینی دیمۆگرافیای ناوچە کوردستانییەکان دابراندنیانە و لکاندنیانە بە ناوچەکانی خۆیان."

ئەمەش بزانە: کۆبوونەوەکە کاتژمێر 11:00ـی پێشنیوەڕۆ لەبارەگای مەڵبەندی یەکێتی لە خانەقین، بە بەشداری سەرجەم لایەنە کوردستانییەکانی گەرمیان دەبێت و دوای کۆبوونەوەکە لە کۆنگرەیەکی ڕۆژنامەوانیدا هەڵوێستیان دەخەنەڕوو.